O Club Bádminton Ravachol Pontevedra presume de canteira.
A súa xogadora Suevia García é boa proba diso.
O novo talento do club pontevedrés acaba de recibir, por segunda vez, a chamada da Selección Española.
En concrerto Suevia foi chamada a participar nunha concentración nacional de tecnificación Sub-11 que terá lugar do 30 de outubro ao 2 de novembro na localidade albaceteña de La Roda.
A pontevedresa xa participara no mes de febreiro noutra concentración da Federación Española no CAR Blume de Madrid.
"Ve recompensado con esta chamada o seu esforzo e progresión nas últimas tempadas. Sen dúbida, unha experiencia que lle permitirá seguir crecendo e acumulando vivencias ao máis alto nivel", celebra o Ravachol tras dar a coñecer a boa noticia.
Suevia García é unha dos sete deportistas da súa idade convocados.
Na lista aparecen tamén outros dous xogadores galegos como Pablo Fernández (As Neves) e Eva Lemos (Ponteareas).