O proxecto de bioplanta de fibra reciclada que Ence impulsa nas Pontes (A Coruña) foi seleccionado provisionalmente para recibir 24,7 millóns de euros dentro da liña 4 do PERTE de Descarbonización Industrial do Ministerio de Industria e Turismo.
En concreto, a iniciativa obtivo unha subvención de 24.691.726 euros no marco da convocatoria de "Axudas para Instalacións Manufactureiras Altamente Eficientes e Descarbonizadas", incluída no PERTE de Descarbonización Industrial correspondente a 2025, segundo a listaxe provisional de solicitudes estimadas publicado polo Ministerio.
APOSTA POLA ECONOMÍA CIRCULAR E O COIDADO MEDIOAMBIENTAL
O pasado mes de agosto, a Xunta outorgou á planta a Autorización Ambiental Integrada (AAI), un fito moi relevante tanto para o proxecto como para a compañía.
As Pontes é unha instalación pioneira a nivel mundial para producir fibra reciclada blanqueada a partir de papel e cartón recuperados. Desta forma, a compañía dá unha nova vida a estes materiais, aliñándose plenamente coa economía circular.
No deseño deste proxecto, o primeiro en Europa no que se fabricará fibra reciclada branqueada a partir de papel e cartón recuperado, tívose en conta o compromiso de Ence coa independencia enerxética. Así, a planta se autoabastecerá de enerxía renovable, xerada a partir de subproductos da industria forestal local e non empregará combustibles fósiles.
En liña co compromiso de Ence coa economía circular, As Pontes será a primeira instalación do sector en Europa en aplicar tecnoloxía de branqueo TCF (totalmente libre de cloro) sobre fibras recicladas.
TRANSICIÓN XUSTA
O proxecto sitúase nos terreos industriais da antiga central térmica de carbón das Pontes, constituíndo un exemplo tanxible de transición xusta e de contribución ao desenvolvemento sostible da comunidade local.
De forma complementaria, Ence avanza tamén en Regatex, unha planta piloto de reciclaxe téxtil destinada a desenvolver un innovador sistema de valorización de residuos téxtiles/téxtís. En colaboración coa startup sueca Sharetex, a compañía logrou obter celulosa reciclada a partir de polialgodón, un material de difícil reciclaxe, abrindo novas vías para a xestión circular de pezas e tecidos.