A asemblea de traballadores de Construcciones Crespo decidiu en asemblea ir á folga para forzar a dirección da empresa a que reconsidere a súa decisión de acudir á liquidación. Convencidos de que a firma pontevedresa ten futuro, o equipo esixe un plan de viabilidade para saír con éxito do concurso de acredores.
Segundo o acordo adoptado este venres no edificio de sindicatos os traballadores dende o próximo 21 de maio non acudirán aos seus postos de traballo as mañás de catro mércores consecutivos nas que farán concentracións ante a sede da construtora na rúa Gorgullón.
Estas medidas de presión estás supeditadas ás decisións que adopte o Xulgado do Mercantil, segundo informou o representante da CIG, Xaquín Agulla.