A Igrexa de Santa María, en Caldas de Reis, conta desde o venres cunha copia enmarcada da cantiga 104 de Alfonso X O Sabio.
A entrega do exemplar realizouna o alcalde de Caldas, Jacobo Pérez, minutos antes do inicio dunha misa no templo.
Cabe lembrar que nesa cantiga é protagonista a vila termal.
O Concello lembra que promove, en colaboración con outras entidades como a Asociación Terra Calda, a divulgación da historia desta composición de Alfonso X, que fai referencia a un milagre que tivo lugar na localidade.
"Queremos que os e as ferigresas que acoden ás igrexas de Santa María, e que tamén reciben a visita dun gran número de peregrinos, teñan a ocasión de contemplar esta composición e coñecer a súa historia", afirmou o alcalde.