Os ususarios do Complexo Deportivo de Campolongo contaron este mércores cun visita inesperada, a do actor Miguel Ángel Silvestre.
O coñecido actor acudiu ás instalacións municipais a adestrar.
Cabe lembrar que Miguel Ángel Silvestre, lembrado por moitos polos seus traballos en series como Sin tetas no hay paraíso, Velvet e Sense8, entre outras, atópase en Pontevedra rodando a segunda tempada de 'Los enviados', serie que emite a plataforma Paramount+ en Estados Unidos.
"Hoxe sorprendeunos Miguel Ángel Silvestre coa súa visita", sinalou na súa conta de Facebook oficial a empresa que xestiona o centro deportivo, Be One, agradecéndolle "a súa amabilidade tanto connosco como cos nosos usuarios".
A rodaxe de 'Los Enviados' prolongarase ata finais do mes de decembro en varias localizacións de Galicia, xa que ademais de Pontevedra desprazaranse a Forcarei, Nigrán, A Guarda, Tui, Oia e Santiago.