O goberno local de Pontevedra mantén que o Partido Popular se atopa tras as protestas contra a instalación de composteios comunitarios. As últimas rexistráronse en Punta Boleira ante a creación dun destes servizos fronte a un edificio.
Raimundo González, portavoz do goberno de Pontevedra, indicaba que o PP xa manifestou a súa oposición "real e efectiva" á compostaxe e que mesmo tentou relacionalo coa ilegalidade das instalacións.
O portavoz municipal sinalaba que espera que os cidadáns de "boa fe", que agora están a mostrar a súa oposición a este plan, vexan que as centrais de compostaxe non causan molestias.
Ademais, incide en que é necesario que a cidadanía se comprometa a rexenerar residuos orgánicos. Unha medida á que, lembrou, obrigará a Unión Europea esixindo que en 2020 se recicle o 50% destes residuos, unha cifra que aumentará ao 65% no 2030.