A Policía Local de Poio informou dun accidente de tráfico ocorrido este sábado, sobre as 13:00 horas, na Avenida da Cruz, en Combarro, na estrada autonómica PO-308.
Segundo relatou, un turismo atropelou a unha persoa veciña de Poio cando cruzaba polo paso de peóns, resultando con lesións.
O ferido foi trasladado nunha ambulancia do 061 ata un centro sanitario en "estado grave".
"Agora investigamos a causa do accidente, que se puido ser por unha imprudencia", declararon desde a xefatura da Policía Local que xa iniciou as dilixencias para trasladar ao xulgado.
O vehículo circulaba dirección Sanxenxo-Pontevedra. O condutor foi sometido ás probas de alcoholemia dando resultado negativo.
Como consecuencia do suceso a circulación estivo regulada durante un tempo con tráfico alternativo entre os dous carrís, o que provocou que por momentos a circulación fose lenta.