Cabreo no PSOE local polo proxecto de parque en Valdecorvos
Por Oskar Viéitez
O grupo municipal do Partido Socialista de Pontevedra esíxelle ao goberno local do BNG que execute o plan previsto no anterior mandato polo concelleiro Iván Puentes na Praza das Regas, no barrio de Valdecorvos.
Naquel proxecto contemplábase a construción dun novo parque infantil na zona verde central, a creación dun parque canino no espazo que agora mesmo ocupa unha pequena área de xogos e a dotación dunha pista multideporte na parcela norte, cara á explanada empregada como estacionamento.
Aquela actuación estaba valorada no seu conxunto en 175.236 euros.
Iván Puentes lamenta agora que o goberno local non vai facer a pista multideporte e ademáis "queren executar un parque canino moito máis pequeno e precisamente nesa parcela que debía ocupar a pista", segundo foi informado na última Comisión de Mobilidade.
O voceiro do PSOE expresou o seu "absoluto abraio" e lamentou "a estratexia de descrédito e arrase das iniciativas impulsadas polo PSOE na que o BNG se atopa inmerso".
Este "novo capítulo de ataque ás propostas e proxectos socialistas" para Iván Puentes "evidencia unha nula intención de chegar a acordos co 'socio prioritario' e a aposta por unha estratexia belixerante en plena negociación dos orzamentos municipais".
"É toda unha declaración de intencións", asegura o socialista.
Relacionadas:
-
Besteiro asumirá desde a Xunta o proxecto de Pontevedra Flúe para Valdecorvos
Por Redacción |
-
O Concello nega a polémica polo Parque das Regas: "Estamos executando o que se deixou planificado. Nin máis nin menos"
Por Natalia Puga |
-
Contratado o novo parque canino da Praza das Regas, en Valdecorvos
Por Redacción |
-
A Praza das Regas terá un nova zona de xogos, unha cancha multideporte, un parque canino e microbosques
Por Redacción |