A caída dunha árbore provoca un corte de tráfico na avenida de Bos Aires
Por Redacción
Na mañá deste xoves 7 de decembro, como consecuencia do vento e as chuvias, desprendíase unha árbore na avenida de Bos Aires, na contorna da praia fluvial do río Lérez.
A árbore provocou o bloqueo nos dous carrís de circulación desta vía de acceso ao barrio de Monte Porreiro, segundo informa o Concello de Pontevedra.
Foi necesario que axentes da Policía Local cortasen o tráfico nos extremos desta avenida.
Ao longo de 45 minutos, os bombeiros tiveron que cortar a árbore e retirala da zona en que afectaba á vía.
Ao redor das 11.30 horas, a avenida de Bos Aires quedaba liberada e aberta á circulación.
Relacionadas:
-
Satisfacción no Concello pola "rapidez e dilixencia" dos servizos municipais durante os sucesivos temporais
Por Natalia Puga |
-
Domingos deixa numerosos troncos e ramas á deriva na ría de Pontevedra
Por Anxo Lourido & Cristina Saiz |
-
A borrasca Domingos deixa un regueiro de pequenas incidencias na Boa Vila
Por Diego Espiño | Creada e actualizada