Operación da Garda Civil contra o trapicheo de droga no centro de Arcade
Por Natalia Puga
Varias dotacións da Garda Civil de Pontevedra realizan desde primeira hora da mañá deste mércores un rechamante rexistro nun domicilio de Arcade, en Soutomaior, no marco dunha operación contra o tráfico de drogas.
A operación céntrase nunha vivenda situada na rúa Roxelio Landeiro, nas proximidades da ponte que comunica Arcade con Ponte Sampaio.
Segundo puido saber este xornal, está centrada na loita contra o trapicheo de drogas na zona, a venda polo miúdo de substancias.
A intervención da Garda Civil mesmo motivou o corte ao tráfico da ponte medieval de Ponte Sampaio á primeira hora da mañá e, a partir da 7.30 horas, conlevou a necesidade de regular a circulación na zona pola presenza de polo menos cinco patrullas policiais.