Restos de pellets chegan a praias das illas de Ons e Sálvora
Por Redacción
O persoal do Parque Nacional das Illas Atlánticas está en plena alerta. Os pellets plásticos procedentes de Portugal que están a chegar ao litoral galego xa tocaron terra en dúas das súas illas. Así, nas últimas horas xa apareceron en varias praias de Ons e de Sálvora.
Así o recoñeceu o goberno galego que asegura que, por agora, só se produciu a chegada de pellets plásticos "dispersos" na zona norte de Sálvora, concretamente na praia de Area dos Cans, e en Ons, nas praias de O Almacén e de Os Bois.
Non se constatou a presenza destes materiais nin en Cíes nin en Cortegada, ata o de agora.
A conselleira de Medio Ambiente, Ángeles Vázquez, explicou que a presenza tanto en Sálvora como en Ons deste material é "testemuñal" e estase retirando con medios propios.
De feito, unha ducia de vixiantes e persoal adscrito ao parque nacional permanece mobilizado nos catro arquipélagos realizando labores de recollida e vixiando a posible chegada de novos microplásticos aos areais do espazo natural.
Vázquez avanzou que as análises encargadas pola Xunta para coñecer con exactitude a composición do material que está a chegar á costa, tanto en sacos como en forma de restos dispersos, constatan que se trata de polietileno, un dos plásticos de uso máis común.
"Temos a confirmación de que non é perigoso, pero si é plástico", declarou Ángeles Vázquez, quen insistiu na necesidade e urxencia de que o Goberno central remita de inmediato a "ficha técnica do produto" que transportaba o mercante que perdeu a carga en augas portuguesas.
Ademais, incidiu en que todas as administracións deben facer o "esforzo necesario" para realizar a recollida "organizada, consensuada e con sentidiño" dos restos que chegan á costa.
Relacionadas:
-
Ecoloxistas piden máis coordinación entre administracións ante o "grave impacto ambiental"
Por Natalia Puga |
-
Besteiro acusa a Rueda de "mentir" aos galegos e "ocultar" a crisis dos pellets
Por Redacción |
-
Detectan chegada de pellets ás praias de Silgar, Canelas e Areas
Por Natalia Puga | Creada e actualizada
-
O informe da Xunta sobre os pellets: o produto é "apto para uso alimentario" e "non perigoso"
Por Natalia Puga |
-
A Xunta eleva o nivel de alerta pola emerxencia dos pellets
Por Natalia Puga |
-
Recomendacións para a retirada de pellets nas praias
Por Anxo Lourido |
-
O mal tempo desmobiliza a limpeza de pellets no Carreirón: "Retirar iso vai ser un traballo titánico"
Por Natalia Puga & Mónica Patxot |
-
A Fiscalía Xeral do Estado abre unha investigación sobre a vertedura de pellets nas costas galegas
Por Natalia Puga |
-
A asociación de Titulados Náutico Pesqueiros afirma: "as boliñas plásticas deixan en ridículo os dispositivos de vilixancia costeira"
Por Redacción |
-
A cidadanía mobilízase para retirar as bólas de plástico das praias
Por Oskar Viéitez |