Rueda garante "cordura e estabilidade" frente á "confrontación" dun multipartito
Por Redacción
Alfonso Rueda, presidente do Partido Popular en Galicia e candidato á reelección á presidencia da Xunta, asegurou que o PP é "garante de cordura e estabilidade" fronte á "confrontación" que vaticina nun posible multipartito alternativo.
Rueda, que presidiu este venres a xunta directiva do PP de Pontevedra, apostou porque Galicia siga conservando a súa "normalidade extraordinaria", en contraste co "clima de cesións e chantaxes" que aprecia na política nacional con "Sánchez e os seus socios".
"Mentres o Goberno socialista está disposto a ceder ante todas as demandas do independentismo, nega a Galicia os medios que precisa actualmente para buscar os sacos de pellets no mar e loitar así contra a contaminación marítima", lamentou.
O líder do PP galego subliñou que estas cesións por parte do Executivo central son apoiadas "tanto polo PSOE como por BNG, Podemos e Sumar", están a producirse "á conta dos galegos".
O próximo 18 de febreiro, defendeu Rueda, os galegos terán que elixir entre ese "barullo que ofrece a esquerda" e o "sentidiño que caracteriza ao PP".
Pola súa banda, o presidente provincial do PP de Pontevedra, Luis López, reivindicou que a provincia ten que apoiar "máis que nunca" a Rueda "con esforzo, con compromiso, con entrega e co traballo diario e constante que xa se está facendo".
O partido, segundo López, xa ten a maquinaria "funcionando a todo meter" para que Alfonso Rueda "alcance a súa primeira maioría absoluta" e Galicia continúe sendo unha "terra ben xestionada e unha illa de estabilidade".
Relacionadas:
-
Alfonso Rueda promete desde Pontevedra crear unha rede de dinamización cultural no rural
Por Redacción |
-
"Van a por nós, dispárannos", advirte Rueda ao PP desde Pontevedra, e chama á mobilización: "non hai nada gañado"
Por Natalia Puga & Mónica Patxot |
-
Besteiro ofrece a alcaldes e portavoces socialistas "información detallada tódolos días" sobre a marea de 'pellets'
Por Redacción |
-
Un 'Mozo de Arousa' para a lista do PP por Pontevedra, na que non repite Lupe Murillo
Por Alejandro Espiño |
-
Rueda irá por Pontevedra nas eleccións do 18F: "Un ten que ter claro sempre de onde vén para saber a onde vai"
Por Redacción |
-
"Confianza cero", advirte Rueda, porque "pódese perder todo"
Por Oskar Viéitez |
-
Obxectivo do PP de Pontevedra: "Contribuir á maioría absoluta de Rueda"
Por Oskar Viéitez |