A Illa de Tambo preséntase en Fitur como novo atractivo turístico de Poio
Por Redacción
O expositor institucional da Xunta de Galicia que se atopa na Feira Internacional de Turismo Fitur, que se celebra en Madrid, acollía este mércores a presentación da Illa de Tambo, no Concello de Poio, como novo atractivo turístico baixo o lema 'Illa de Tambo, embarcamos!'
Durante o acto ofrecéronse detalles das visitas guiadas que se poderán realizar a Tambo ao longo do ano, tras a súa apertura ao turismo en 2023, despois de que este espazo permanecera pechado durante décadas con motivo da súa utilización militar.
Antonio Casas, xerente de Turismo de Galicia, indicou que a incorporación de Tambo é unha "excelente noticia" para o turismo galego e avanzou que este 2024 será un ano "especialmente importante" para a súa promoción. Durante o evento, destacou o valor patrimonial e natural, ademais da súa importancia estratéxica en relación co turismo do municipio de Poio, da ría de Pontevedra e de Galicia.
Alfonso Rueda, presidente da Xunta de Galicia; Luis López, presidente da Deputación; e Agustín Reguera, delegado territorial da Xunta en Pontevedra asistían ao acto que se desenvolvía este mércores en Fitur.
Durante a presentación explicábase que as visitas á illa se organizarán en grupos de cincuenta persoas con guías turísticos en dúas quendas de mañá e dúas de tarde durante os venres, sábados e domingos.
Ángel Moldes, alcalde de Poio, realizaba a primeira presentación na feira turística do municipio mostrando Poio como un destino verde, sostible e visitable durante os 365 días do ano, destacando tamén o "inmenso valor" histórico, natural e paisaxístico da illa de Tambo.
O rexedor describiu Poio como un espazo natural, con bosques, sendas, xacementos e diferentes ofertas gastronómicas, deportivas e co Camiño a Santiago pola costa a través da Variante Espiritual. Tamén quixo destacar as vilas mariñeiras de Combarro e Raxó durante a súa intervención.
Moldes acudía con Rocío Cochón, concelleira de Turismo, e ambos mantiveron encontros de traballo con operadores turísticos dentro da promoción de Poio, que tamén se atopa presente no espazo de Pobos Máxicos.
Relacionadas:
-
As visitas guiadas volverán á illa de Tambo na Semana Santa
Por Redacción |
-
Tres de cada catro peregrinos que percorren a Variante Espiritual son estranxeiros
Por Redacción |
-
Constituida a Mesa de Turismo de Poio
Por Oskar Viéitez |
-
Adoptan a Leo, o can que protagonizou o video de Poio para FITUR
Por Redacción |
-
A restauración pontevedresa é a segunda mellor valorada de toda España
Por Oskar Viéitez |
-
Entrega dos diplomas 'Q de Calidade' a Sanxenxo e ás oficinas turísticas da Deputación
Por Redacción |
-
Cuntis promociona o seu potencial turístico en Fitur
Por Redacción |
-
A provincia promociona en Fitur o té de camelia e a Ruta de Taverneiro
Por Oskar Viéitez |
-
Preestrea de "Tambo, embarcamos!", o vídeo co que Poio se promocionará en Fitur
Por Redacción |
-
Poio participará en Fitur por primeira vez coa presentación "Tambo, embarcamos?"
Por Redacción |
-
Demandan ao Concello de Poio que reclame á Xunta a consideración de BIC para a illa de Tambo
Por Redacción |