![](/web/cache/scene/uploads/fotos/foto/0a3/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/65e9ebcea7-20240307_sp_ndp_8m_xornadas-estranxeiria.jpg)
© Subdelegación del Gobierno
Ata 284 mulleres estranxeiras están a ser vítimas de violencia de xénero na provincia de Pontevedra
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Ata 284 mulleres estranxeiras están a ser atendidas na provincia de Pontevedra debido á violencia de xénero. É un dos datos que reportou o subdelegado do Goberno, Abel Losada, durante a clausura dunha xornada sobre o marco xurídico aplicable ás mulleres estranxeiras vítimas de violencia de xénero e con motivo do 8M.
Esa cifra corresponde ás cifras que ofrece o sistema VioGén (Sistema de Seguimento Integral dos Casos de Violencia de Xénero do Ministerio do Interior) e que supón ter activos 286 casos. En referencia a estas vítimas, Losada manifestou que "á súa condición de vítimas engádese a súa condición de migrantes. Son mulleres que están por tanto dobremente discriminadas e victimizadas, como mulleres e como migrantes", sendo así “crucial recoñecer e visibilizar a súa especial vulnerabilidade”.
Á xornada, coordinada pola Unidade de Violencia de Xénero da Subdelegación do Goberno, asistiron profesionais de Servizos Sociais, representantes institucionais e membros dos Corpos e Forzas de Seguridade. A persoa encargada de impartir o contido foi o xefe da Oficina de Estranxeiría desta administación pública, Juan Carlos Vázquez.
Relacionadas:
-
8M | Alumnas do Sánchez Cantón dan voz ao feminismo: "Hai que debilitar as masculinidades hexemónicas"
Por Alejandro Espiño & Mónica Patxot |
-
Abel Losada reivindica o valor da igualdade laboral no inicio da semana do 8M
Por Oskar Viéitez & Mónica Patxot |
-
O subdelegado do Goberno manda unha mensaxe de tranquilidade á cidadanía polo crime da maleta
Por Oskar Viéitez |
-
Organizan unha xornada formativa centrada nas mulleres estranxeiras vítimas de violencia de xénero
Por Redacción |
-
Detido por quebrantar a orde de afastamento dunha vítima de violencia machista e fuxir da Policía
Por Oskar Viéitez |