Agride un septuaxenario que lle recriminou que mexara no seu portal
Por Redacción
O conflito entre os veciños da Ferrería e as persoas que pasan en día nas súas inmediacións, moitos deles con problemas de drogadicción, viviu este luns un novo episodio.
Un septuaxenario foi agredido a primeira hora da tarde despois de que recriminase a unha destas persoas que estivese a mexar na porta do seu edificio, o mesmo que recentemente foi vandalizado con pintadas, supostamente realizadas polos indixentes que merodean a diario polas inmediacións do lugar.
Fontes próximas á vítima explicaron a PontevedraViva que o agresor golpeou á vítima na man cun bastón. Os feitos fixéronlle "bastante dano", afirman.
Este veciño da Ferrería, que acabou sangrando tras a agresión, tivo que ser trasladado en ambulancia para que fora atendido nun centro sanitario.
"Son moi agresivos, especialmente un que vai sempre cunha vara", aseguran os familiares da vítima, unha persoa á que as autoridades xa identificaron varias veces "pero ao que non lle fan nada", engaden indignados.
Ata o lugar acudiron axentes da Policía Nacional, que levantaron atestado do sucedido e investigan os feitos. Tamén compareceron, en labores de apoio, efectivos da Policía Local.
Desde a Policía Nacional confirman esta agresión e avanzan que a vítima presentou denuncia achegando un parte de lesións. O presunto agresor, segundo engaden estas fontes, non foi detido pero está identificado polas autoridades.
Ademais, subliñan que xa houbo un altercado entre ambos o pasado 7 de marzo.
Relacionadas:
-
Detido un mozo tras roubar tabaco no estanco, agredir varias persoas e romper o cristal dun local en Fernando Olmedo
Por Mónica Patxot & Anxo Lourido |
-
"Maior presenza policial" pola"preocupante" situación da Ferrería e Campolongo
Por Natalia Puga & Mónica Patxot |
-
Rafa Domínguez, sobre a inseguridade cidadá: "Un día vai haber un desgusto pola pasividade de Lores"
Por Natalia Puga |
-
O PP solicita participar na Xunta Local de Seguridade para abordar os problemas na Ferrería e Campolongo
Por Oskar Viéitez |
-
"¿Qué más tiene que pasar?" na Ferrería para tomar medidas, lamenta Rafa Domínguez
Por Alejandro Espiño |
-
Novo incidente na Ferrería, nesta ocasión, unha pelexa entre dúas habituais da zona e unha viandante
Por Natalia Puga |
-
"Prepárese porque lle vou prender lume á casa", a última ameaza a unha veciña da Ferrería
Por Mónica Patxot & María José Pita |
-
Unha disputa entre dous sen teito na Ferrería acaba cos dous feridos e detidos
Por Natalia Puga |