Rafa Domínguez, sobre a inseguridade cidadá: "Un día vai haber un desgusto pola pasividade de Lores"
Por Natalia Puga
A iniciativa dos comerciantes e veciños das galerías Oliva para recoller firmas pola falta de seguridade e limpeza na zona calou no Partido Popular de Pontevedra e este xoves o seu portavoz, Rafa Domínguez, realizou un percorrido por esta área comercial para analizar a situación e darlles o seu apoio.
Domínguez fixo un repaso polo "problema de seguridade grave nas nosas rúas" que detecta nos últimos tempos. Así, ao roubo e a falta de seguridade e ameazas nas galerías, suma a situación que se vive na Ferrería ou Augusto García Sánchez (Campolongo) e que hai unhas semanas un peregrino francés recibiu unhas malleira.
Á vista de toda esta situación, o líder do PP augura "un día vai haber un desgusto pola pasividade de Lores". Así, acusa o alcalde, Miguel Anxo Fernández Lores, que "non está a facer absolutamente nada por manter o primeiro que ten que ter unha cidade que é protexer a seguridade dos seus cidadáns e manter a lei".
Domínguez denuncia "incumprimentos continuos" da Lei de consumo de alcol e drogas na vía pública e tamén ameazas "continuas e reiteradas" e sostén que "este non é o modelo de cidade que quero para Pontevedra", pois asegura que non se protexe aos cidadáns e "queda unha pésima imaxe para todos aqueles que queren vir vernos".
Tras manter un encontro cun grupo de comerciantes, Domínguez insistiu en pedir ter acceso á Xunta Local de Seguridade que se celebrará este venres e "que se tomen medidas inmediatamente".
Ademais, insta a Lores a que se reúna cos veciños da Ferrería e Campolongo e cos comerciantes das galerías, que el lle trasladaron o "sufrimento que teñen que pasar día a día por unha situación que o señor Lores non só mantén senón que evita resolver".
O presidente dos comerciantes das galerías, Antonio Santiago, sinalou que agradecen "o apoio de todos" á súa iniciativa, que busca "sacar esta esta secuela de encima e que volva toda a normalidade dar unha imaxe á cidade un pouquiño máis decente do que estaba a ver agora".
Outro comerciante, Dionisio Rivas, relatou a situación de inseguridade e sucidade que viven porque persoas toxicómanas "déitanse aquí nas esquinas da galerías" e "fan as súas necesidades", de tal modo que "a xente ten medo e non pasa".
Relacionadas:
-
O PP insiste na necesidade de extremar a vixilancia na Ferrería, a Oliva e Campolongo
Por Redacción |
-
Eva Vilaverde acusa o PP de "magnificar" os problemas de seguridade cidadá en Pontevedra
Por Alejandro Espiño |
-
Rouban material e causan múltiples estragos no Centro de Saúde Virxe Peregrina durante a noite
Por Anxo Lourido |
-
Polémica pola petición do PP de acudir á Xunta Local de Seguridade: "É un órgano de carácter técnico, non político"
Por Natalia Puga & Mónica Patxot | Creada e actualizada
-
"Maior presenza policial" pola"preocupante" situación da Ferrería e Campolongo
Por Natalia Puga & Mónica Patxot |
-
Comerciantes e veciños das galerías Oliva recollen firmas pedindo solucións a roubos, sucidade e falta de seguridade
Por Natalia Puga & Mónica Patxot |
-
O PP solicita participar na Xunta Local de Seguridade para abordar os problemas na Ferrería e Campolongo
Por Oskar Viéitez |
-
"¿Qué más tiene que pasar?" na Ferrería para tomar medidas, lamenta Rafa Domínguez
Por Alejandro Espiño |
-
Novo incidente na Ferrería, nesta ocasión, unha pelexa entre dúas habituais da zona e unha viandante
Por Natalia Puga |
-
Agride un septuaxenario que lle recriminou que mexara no seu portal
Por Redacción |
-
"Prepárese porque lle vou prender lume á casa", a última ameaza a unha veciña da Ferrería
Por Mónica Patxot & María José Pita |
-
Unha disputa entre dous sen teito na Ferrería acaba cos dous feridos e detidos
Por Natalia Puga |