Alumnado de Chancelas planta 200 cerdeiras nos montes de Combarro
Por Oskar Viéitez
O alumnado de cuarto de primaria do CEIP de Chancelas participou este xoves nunha actividade organizada pola Comunidade de Montes de Combarro, en colaboración co Concello de Poio, para plantar 200 cerdeiras nos montes comunais polos que, ademais, transcorre a Variante Espiritual del Camino de Santiago.
Ata alí tamén se achegou o alcalde, Ángel Moldes, así como concelleiros do goberno para participar nunha actividade que pretende crear conciencia entre os máis pequenos ao mesmo tempo que se pon en valor a importancia de protexer o medio ambiente.
"Moitos dos hábitos, valores e rutinas que adquirimos cando somos pequenos permanecen con máis facilidade como adultos, e por iso é fundamental educar ás xeracións máis novas no coidado e na protección da nosa contorna", manifestou o alcalde.
Membros da comunidade de montes explicaron como escoller o lugar e preparar o terreo para plantar as árbores, e incidiron tamén en como coidalos despois e, sobre todo, en protexelos cando se visitan os montes.
Posteriormente, por grupos e baixo a supervisión dos adultos, os estudantes foron cavando na terra espazos para plantar cada unha das cerdeiras.
Unha xornada que, ademais, serviu de convivencia e para mellorar o seu coñecemento da contorna.
Relacionadas:
-
Nenos de Ponte Caldelas e estudantes universitarios celebran o Día dos Bosques
Por Oskar Viéitez |
-
Persoal técnico atenderá as consultas da veciñanza de Campelo polas obras na estrada EP-0601
Por Oskar Viéitez |
-
Escolares de Viñas e Chancelas coñecen ás "Mulleres que fan Poio"
Por Redacción |
-
Os particulares xa se poden inscribir para participar nos xantares e ceas na rúa polo Día de Colón
Por Redacción |