A presenza da ameixa cornicha, unha das grandes novidades da Festa do Mar de Vilaboa
Por Redacción
Chega a terceira edición da Festa do Mar de Vilaboa. A cita gastronómica será a fin de semana do 13 e 14 de abril, xusto cando a ameixa e o mexillón presente o seu mellor momento para o consumo, afirmaba este venres Carmen Gallego, a concelleira de Dinamización de Vilaboa, acompañada polo alcalde César Poza na presentación do evento, que se celebrará nas proximidades do porto.
Nesta ocasión, a promoción gastronómica dos produtos do mar atoparase unida a un potente programa musical, ademais de actividades infantís que busca atraer ao público familiar coas actuacións da Banda de Gaitas e Baile Aires de Cobres, Fanfarria Taquekardia e Os Bregadiers.
Os restaurantes A Casa de Rosa de Mazaroca, Casa Aurelia, A Garboa e Panadería Pastelería Os Laranxos colaboran na elaboración das tapas que se servirán durante a cita. O Bar Chancho completará a oferta culinaria. Manteranse os mesmos prezos de 2023. A ameixa ofrecerá un prezo de seis euros, cinco a tapa de choco e 3,5 o mexillón.
A principal novidade entre os produtos para degustar será a cornicha, unha ameixa con cuncha de forma oval-triangular, que presenta estrías e que se pode elaborar á prancha, ao vapor ou á mariñeira.
Precisamente, a celebración da Festa do Mar coincide coas mareas vivas, que favorecen o traballo de mariscadoras e bateeiras, segundo informa o Concello de Vilaboa.
Haberá maridaxe dos produtos do mar con viños da IXP Ribeiras do Morrazo, representados polas adegas Vos Areeiros e Ardán.
Outra das novidades será a cata cun xurado integrado por mariscadoras e bateeiras que concederán tres premios: ao mellor sabor, á innovación e á mellor presentación.
César Poza e Carmen Gallego animan á cidadanía para participar nestas dúas xornadas dunha festa que xa se atopa consolidada e que conta con maior aceptación cada ano.
Relacionadas:
-
Máis de 2.800 racións e 11.000 euros facturados, balance da Festa do Mar
Por Redacción |
-
O alcalde de Vilaboa destaca a consolidación da Festa do Mar
Por Redacción |
-
O xurado da Festa do Mar de Vilaboa premia o sabor da Garboa, a innovación do Laranxo e a presentación da Mazaroca
Por Redacción |
-
Artesanía e música completan o programa cultural da Festa do Mar de Vilaboa
Por Oskar Viéitez |
-
A Festa do Mar de Vilaboa triplica a petición de produto ante a alta afluencia prevista
Por Redacción |
-
Vilaboa destina 805.000 euros do seu orzamento para o lixo, o saneamento e Acuaes
Por Oskar Viéitez |
-
Máis dun millar de botellas vendidas nunha exitosa Festa do Viño de Vilaboa
Por Redacción |
-
A adega Ardán faise co ouro e o bronce na cata da IXP Ribeiras do Morrazo da Festa do Viño de Vilaboa
Por Redacción |
-
A Festa do Mar de Vilaboa chegou para quedar: supera todas as expectativas na segunda edición e esgota existencias
Por Redacción |
-
Innovación e sabor van da man nas degustacións da Festa do Mar de Vilaboa
Por Redacción |