Costas deixa no aire a continuidade do paseo peatonal a Marín
Por Alejandro Espiño
O paseo peonil a Marín atopouse cun obstáculo inesperado. Costas, que no seu día autorizou o proxecto, que chegou a licitarse e a estar incluído nos orzamentos do Estado, cambiou de criterio e agora oponse a continuar co seu trazado ata Os Praceres.
Así o confirmou a directora xeral de Costas, Ana Oroño, na visita que realizou a Pontevedra para supervisar as actuacións pendentes entre o seu departamento e o Concello en todo o ámbito de dominio público marítimo terrestre no municipio.
"Para a nosa sorpresa aos novos xestores de Costas non lles gusta este proxecto", sinalou o edil da área de ordenación do territorio, César Mosquera, que lamentou que unha actuación "comprometida e asinada" corra en risco agora de non executarse.
Segundo Mosquera, a Costas non lle gusta que o segundo tramo deste paseo invada a lámina de auga e contemple pilotes sobre a ría, ante a imposibilidade de reducir un dos carrís da autovía, que foi a solución adoptada para executar a primeira parte deste itinerario.
O goberno municipal entende que Costas "ten que buscar unha solución" para completar este paseo, xa que se trata dun compromiso recolleito no pacto asinado entre o PSOE e o BNG para a investidura de Pedro Sánchez. "Nós imos presionar para se faga", engadiu.
"Ou é mediante a presión política e social ou Costas non o fará", subliñou o concelleiro nacionalista, que considera unha "cantamañanada como unha catedral" este cambio de criterio. "É malo de entender porque a lei é a mesma e ou partido do Goberno tamén", segundo Mosquera.
Serán eles os que teñan que explicar, reiterou o representante municipal, "como un paseo que estaba adxudicado e que tiña que estar feito agora non lles gusta".
Este segundo tramo do paseo chegou a contar cunha partida de 1,7 millóns de euros nos orzamentos xerais do Estado de 2022 para a súa execución, antes de que fora paralizado debido aos problemas detectados polos técnicos de Costas.
Estaba deseñado para conectar o tramo xa construído desde a cidade ata o nó de Mollavao coa pasarela das mariscadoras, nos Praceres. Ía ser un itinerario duns 800 metros, consistente na execución dunha pasarela peonil de 2,5 metros de ancho,
O proxecto inicial, que aínda se pode consultar na páxina web do Ministerio para a Transición Ecolóxica, recollía que a continuidade deste paseo sería cunha pasarela que ía ser metálica e se apoiaría sobre pilotes fincados no leito mariño.
Relacionadas:
-
O Goberno ábrese agora a analizar "todas as alternativas posibles" para completar o paseo a Marín
Por Alejandro Espiño |
-
O PP presentará unha moción no pleno provincial para esixir ao Goberno central a finalización do paseo entre Pontevedra e Marín
Por Anxo Lourido |
-
O PSOE de Pontevedra asegura agora estar convencido de que o Ministerio non descarta completar o paseo a Marín
Por Oskar Viéitez |
-
Lores avanza unha "ofensiva política" para que o Goberno complete o paseo peonil a Marín
Por Alejandro Espiño |
-
Domínguez esixe ao Concello de Pontevedra que "presione sen descanso" para que o Goberno central conclúa o paseo a Marín
Por Anxo Lourido & Mónica Patxot |
-
Marín ofrece a Pontevedra "facer forza" xuntos para esixir que se complete o paseo entre ambas
Por Redacción |
-
O PSOE considera "absolutamente inasumible e inaceptable" que Costas non remate o paseo a Marín
Por Redacción |
-
A ampliación da praia de Ponte Sampaio e a rexeneración da enseada do Ulló, nas mans de Costas
Por Alejandro Espiño |
-
Vía libre de Costas para que o Concello constrúa o novo vial de Mollavao
Por Alejandro Espiño |
-
Pontevedra e Costas "parten de cero" para deseñar proxectos "viables e razoables"
Por Alejandro Espiño |
-
Pontevedra planea unha zona de baño na Xunqueira de Alba e recuperar o canal interior da Illa das Esculturas
Por Alejandro Espiño |