O PSOE considera "absolutamente inasumible e inaceptable" que Costas non remate o paseo a Marín
Por Redacción
Os socialistas de Pontevedra e Marín fan fronte común ante a decisión de Costas de non rematar a senda peonil e ciclista que tiña que unir os dous concellos pola beira da ría. Consideran que esta medida é "absolutamente inasumible e inaceptable".
Ambos os dous voceiros, Iván Puentes e Manuel Pazos, aseguran que "non estamos dispostos" a renunciar a que se complete unha actuación "pola que a veciñanza leva agardando demasiado tempo" e reclaman que se cumpra "o que estaba comprometido".
Censuran que o Ministerio para a Transición Ecolóxica "queira deixar no caixón" este proxecto e esixen que se estuden as solucións técnicas que resulten máis axeitadas para completar este demandado e ansiado paseo, dentro do respecto á Lei de Costas vixente.
Preservar a costa, segundo Puentes, é compatible con ter un paseo marítimo peonil e ciclista "finalizado e completo", desde as praias de Marín ata o centro de Pontevedra, itinerario que despois se une coa parroquia de Bora, onde remata o paseo fluvial do Lérez.
"Quedan simplemente uns metros para que o paseo poida ser completado", reiterou o socialista pontevedrés, que subliña que esta actuación "seguirá sendo unha prioridade" para o seu partido, polo que reclamará ao Goberno central que reconsidere a súa postura.
Pazos, pola súa banda, defendeu que existen solucións técnicas para abordar a continuidade do paseo "e niso estaremos, pelexando e traballando para facer realidade un proxecto común, colectivo e que apoiamos todas as forzas políticas de Marín e de Pontevedra".
Ante a situación de incerteza, os grupos municipais do PSOE presentarán mocións nos plenos de Pontevedra e Marín para solicitarlle formalmente ao Goberno de España "que estude esas alternativas e que dunha vez por todas se remate esta infraestrutura".
Tanto Iván Puentes como Manuel Pazos afirmaron que "o máis importante, que son os intereses dos veciños e veciñas de Pontevedra e Marín, estarán sempre por enriba das siglas de calquera partido político".
Relacionadas:
-
O Goberno ábrese agora a analizar "todas as alternativas posibles" para completar o paseo a Marín
Por Alejandro Espiño |
-
O PP presentará unha moción no pleno provincial para esixir ao Goberno central a finalización do paseo entre Pontevedra e Marín
Por Anxo Lourido |
-
O PSOE de Pontevedra asegura agora estar convencido de que o Ministerio non descarta completar o paseo a Marín
Por Oskar Viéitez |
-
Lores avanza unha "ofensiva política" para que o Goberno complete o paseo peonil a Marín
Por Alejandro Espiño |
-
Domínguez esixe ao Concello de Pontevedra que "presione sen descanso" para que o Goberno central conclúa o paseo a Marín
Por Anxo Lourido & Mónica Patxot |
-
Marín ofrece a Pontevedra "facer forza" xuntos para esixir que se complete o paseo entre ambas
Por Redacción |
-
A ampliación da praia de Ponte Sampaio e a rexeneración da enseada do Ulló, nas mans de Costas
Por Alejandro Espiño |
-
Costas deixa no aire a continuidade do paseo peatonal a Marín
Por Alejandro Espiño |
-
Pontevedra e Costas "parten de cero" para deseñar proxectos "viables e razoables"
Por Alejandro Espiño |