O PP pide ao alcalde que “rectifique” cos bolardos da Peregrina e ínstao a buscar "consenso"
Por Natalia Puga
A instalación temporal de tres bolardos extraibles entre a Fonte dos Nenos e Daniel da Sota ou García Camba, no tramo peonil da rúa Peregrina, segue xerando polémica. Tras as críticas de sindicatos da Policía e os Bombeiros e unha vez que a Subdelegación do Goberno sinalou que non foi unha decisión consensuada, o PP súmase agora a repróchelos e pide ao alcalde, Miguel Anxo Fernández Lores, que "rectifique".
O presidente e portavoz municipal do PP, Rafa Domínguez, realizou esta petición este sábado tras recibir un informe da Policía Nacional no que se pon de manifesto "as dificultades que teñen os servizos de emerxencias para acceder ao centro da cidade cos novos bolardos".
"O informe policial é rotundo. Este tipo de bolardos atrasan moito o acceso das patrullas ao centro histórico, xusto nun momento no que estamos a solicitar que se aumenten a presenza policial", insiste
Domínguez fai súas as reivindicacións dos sindicatos policiais e dos bombeiros e insiste en que "dificultan" o seu traballo á hora de prestar unha resposta adecuada ante unha emerxencia.
"As ambulancias, os bombeiros e os policías prestan un servizo público que non pode ser limitado, impedido ou estar supeditado a que un axente municipal acuda coa chave para abrir a parte móbil do bolardo", sostén o líder do PP.
Ante esta situación, Domínguez recomenda ao Goberno local que avogue polo "diálogo" e a "procura de consenso" á hora de tomar este tipo de decisións que afectan os cidadáns e aos servizos de emerxencias.
O líder do PP móstrase moi crítico coa concelleira de Seguridade Cidadá de Pontevedra, Eva Villaverde, por "mentir" aos pontevedreses ao dicir que a decisión fora acordada co subdelegado do Goberno en Pontevedra, Abel Losada.
Losada negou ese consenso e Rafa Domínguez móstrase "moi sorprendido" ante os "dardos envelenados" que se están lanzando o Concello e a Subdelegación do Goberno desde que se paralizou o proxecto para completar o paseo peonil entre Pontevedra e Marín.
Para o líder 'popular', "os grandes prexudicados por esta falta de coordinación entre institucións son os axentes da Policía Local e Nacional, que velan pola seguridade dos pontevedreses".
Domínguez lembrou este sábado que o Goberno local impediulle acudir á última Xunta Local de Seguridade e que, nesa reunión, o alcalde "omitiu falar sobre a súa intención de colocar novos bolardos".
Relacionadas:
-
Advirten do risco dos bolardos de 'Boa Vila' da Ferrería e Curros Enríquez
Por Oskar Viéitez |
-
Os bolardos de Peregrina seguirán durante "meses" porque, segundo Mosquera, están funcionando "moi ben"
Por Alejandro Espiño |
-
"Todo aquel espazo público do que se ausente a Policía, será ocupado polo delincuente"
Por Oskar Viéitez |
-
A taxa de criminalidade incrementouse nun 16,4% no primeiro trimestre na cidade de Pontevedra
Por Oskar Viéitez & Mónica Patxot |
-
"Menos bolardos, máis policía", a petición do sindicato SUP ante o "desprezo" do goberno local cos bolardos
Por Natalia Puga & Mónica Patxot |
-
Os bombeiros de Pontevedra tamén rexeitan os bolardos da Peregrina
Por Mónica Patxot & Anxo Lourido |
-
A instalación dos bolardos na rúa Peregrina non foi unha medida consensuada
Por Oskar Viéitez |
-
Os bolardos de Peregrina son "temporais", insiste o goberno municipal, e foron "consensuados" coa Policía
Por Alejandro Espiño |
-
Alertan da imposibilidade de acceso dos vehículos de emerxencias pola instalación de bolardos na rúa Peregrina
Por Oskar Viéitez |
-
Instalarán tres bolardos extraibles en Peregrina para cortar os 'atallos' dos repartidores
Por Alejandro Espiño |