Rematada a mellora do acceso rodado a un núcleo de vivendas en Vilalén
Por Redacción
O alcalde de Cerdedo-Cotobade, Jorge Cubela, acompañado pola tenente de alcalde Lourdes Ovelleiro, comprobou os resultados dos traballos realizados para mellorar o acceso rodado a un núcleo de vivendas en Vilalén, na parroquia de Tomonde, incluído dentro do Plan de Infraestruturas Rurais (PIR) da Xunta xunto a outras actuacións en camiños do territorio que supoñen un investimento duns 120.000 euros.
Así, con esta intervención, solicitada pola veciñanza, dase resposta a un grupo de vivendas que tiñan problemas de acceso para vehículos xa que un muro dificultaba a entrada na zona habitada. Con esta actuación ademais renovouse a capa de rodadura.
Esta actuación enmárcase dentro das axudas xestionadas ante a Xunta de Galicia que inclúen tamén melloras nos camiños de Viduído, Vilariño, Fondós, Figueroa, Meilide e Pedre.
O alcalde Jorge Cubela valorou moi positivamente os traballos realizados xa que "a partir desta actuación os vehículos tanto particulares como de emerxencias poderán acceder mellor a este núcleo de casas".
Relacionadas:
-
Visos de solución para os problemas de verticalidade da capela de San Lourenzo de Serrapio
Por Anxo Lourido |
-
A rapazada de Cerdedo-Cotobade aprenderá a nadar nas piscinas de Ponte Muiños
Por Redacción |
-
"Letras na Praza" para animar á lectura á rapazada da Lama, Cerdedo-Cotobade e Fornelos de Montes
Por Redacción |
-
O vial que comunica Viascón con Parada de Tenorio xa ten novo pavimento
Por Redacción |
-
Un incendio forestal declarado de madrugada en Caroi queima ao redor de 30 hectáreas
Por Natalia Puga | Creada e actualizada