CCOO concéntrase ante o monolito ás vitimas do Villa de Pitanxo e reivindica seguridade no traballo
Por Anxo Lourido
Con motivo do Día internacional da Saúde e Seguridade no traballo, representantes do sindicato Comisións Obreiras (CCOO) concentrábanse en Marín ante o monólito en memoria das vítimas do naufraxio do Villa de Pitanxo, lembrando que fai xa máis de dous anos que 21 mariñeiros do barco seguen no fondo do mar clamando xustiza.
Durante o acto leron un manifesto lembrando en 2023 faleceron 581 persoas como consecuencia de accidentes de traballo en España. 50 delas eran galegas.
O índice de incidencia en Galicia de número de accidentes mortais por cada 100.000 traballadores sitúase en 4,84 mentres que a proporción no conxunto de España foi de 2,92. O sindicato sinala que neste 2024 a evolución empeora, en especial na provincia de Pontevedra, xa que oito dos doce accidentes mortais rexistrados en Galicia foron na provincia: dous en Pontevedra, outros dous en Vigo, un en Vilanova de Arousa, dous na Cañiza e un en Ponteareas.
Os representantes de CCOO advirten de que esta situación se rexistra porque está asumido que a morte de entre 500 ou 600 traballadores cada ano é algo "aceptable" no conxunto do Estado.
O sindicato sinala que esta cifra debería crear unha alarma social e demanda medidas lexislativas, preventivas e formativas cun investimento de máis recursos.
Nese sentido, reclaman un reforzo da calidade da xestión da prevención nas empresas; reforzar o marco normativo para previr dos riscos psicosociais; acabar co subregistro de enfermidades profesionais. Neste último sentido, sinalan que en España estímase que anualmente falecen 8.700 homes e 850 mulleres por cancros debidos a exposicións laborais, pero en 2023 só comunicáronse 94 partes de enfermidade profesional por axentes canceríxenos, a maioría por mor do amianto.
Tamén piden o incremento do persoal da Inspección de Traballo, crear xulgados especializados en seguridade e saúde no traballo e potenciar a fiscalía especializada para regular o cumprimento da legalidade.
Relacionadas:
-
CCOO demandará este 1 de maio pleno emprego, mellores salarios e industria na comarca
Por Anxo Lourido |
-
Morre un traballador en Vilanova de Arousa tras quedar atrapado nunha máquina de cortar madeira
Por Redacción |
-
Comisións Obreiras denuncia o "caos" e o "abandono" no servizo de Correos de Pontevedra
Por Redacción |
-
Falece un operario na Fábrica da Cross ao caer do tellado cando realizaba labores de reparación
Por Redacción | Creada e actualizada
-
Dúas persoas resultan feridas nun accidente laboral ao virse abaixo un andamio
Por Redacción |
-
Ferido un traballador que caeu por unha bufarda mentres limpaba un tellado en Salcedo
Por Redacción |