Dous imputados nun novo operativo contra o trapicheo no entorno da Ferrería
Por Redacción
Dúas persoas resultaron imputadas como supostas autoras dun delito contra a saúde pública como resultado dun novo operativo contra o estraperlo de drogas despregado pola Policía Local de Pontevedra no ámbito das prazas da Ferrería e A Estrela.
Varias dotacións policiais despregáronse nas inmediacións dos Soportais da praza da Estrela pasadas as 11.00 horas deste luns e procederon a identificar aos individios alí presentes, a maioría consumidores habituais de droga que se concentran a diario na zona e que, nalgúns casos, teñen vinculacións previas co estraperlo.
Tras identificar os presentes, os axentes procederon á imputación de dous deles, aos que atribúen actividades de estraperlo. Ningún deles foi detido por estes feitos, pero ambos os dous serán citados a declarar ante o xuíz para render contas pola suposta venda ao amiudar a pequenos consumidores da cidade.
O operativo centrouse nos Soportais situados no lateral do edificio sindical da rúa Pasantería, na praza da Estrela, xusto o mesmo punto no que se desenvolveu as últimas actuacións e identificacións contra o estraperlo realizadas pola Policía Local co fin de erradicar o tráfico de droga ao amiudar e o consumo de estupefacientes nesta céntrica zona da cidade. Prolongouse durante menos dunha hora.
Relacionadas:
-
O trapicheo de drogas na Ferrería, de novo ante un xuíz por unha pequena venda de cannabis a un menor
Por Natalia Puga |
-
Apelan ao autoconsumo nun xuízo por trapicheo: "Por desgracia, soy adicto y lo necesito para los nervios"
Por Natalia Puga |
-
Tres detencións por venta de drogas no entorno da praza da Ferrería
Por Redacción |
-
A Policía Local, premiada polas "boas prácticas" do seu servizo de apoio e información
Por Natalia Puga |
-
Imputan seis persoas por un presunto delito de tráfico de drogas na Ferrería
Por Diego Espiño |
-
A vixiancia dos centros escolares, obxectivo prioritario para a Policía Local
Por Oskar Viéitez |
-
Identifican seis persoas e imputan a dúas por trapichear no ámbito da Ferrería
Por Natalia Puga |
-
Imputan dúas persoas por vender haxix e denuncian outras cinco por posuilo e consumilo na Ferrería
Por Natalia Puga |