CC.OO. ataca o PP polo recurso ás "pagas extra"
Por Redacción
A sección sindical de CC.OO. no Concello de Pontevedra considera que "a actuación do PP e especialmente de Jacobo Moreira anunciando a presentación dun recurso ao pagamento dun complemento de produtividade aos traballadores do Concello supera todos os límites da ética política". Así o manifesta o representante sindical Antonio Millares, quen considera "vergonzosa a campaña continuada no tempo contra os traballadores do Concello".
Nun escrito sinala que non vale que o portavoz municipal do PP, Jacobo Moreira, manifeste a gran profesionalidade do equipo municipal porque "as palabras non se cobran na nómina de final de mes". No duro comunicado indícalle que "fraude de lei tamén é cobrar un bo soldo público e dedicarse a labores partidistas nun ámbito que supera o municipal, mesmo en moitas ocasións para defender posturas en contra dos intereses da cidade" e continúa sinalando que non queremos negarlle ao PP os seus dereitos de denuncia, opinión e acción, pero non podemos seguir permitindo que utilicen os acordos de negociación colectiva para realizar un ataque "preeiro" e "incendiario" contra os traballadores do Concello, e por outra parte xustifíquense acordos similares noutros gobernos locais e autonómicos por ser do PP ou de partidos afíns".
O representante de CC.OO. afirma que os soldos dos traballadores do Concello pontevedrés están moi por debaixo da media galega e iso permite que as arcas municipais conten cunha boa economía. O escrito finaliza nos seguintes termos: "somos conscientes de que unha parte moi importante da poboación está a pasar momentos moi difíciles, por iso denuncien o que teñan que denunciar e se preocupen de xerar postos de traballo e activar a economía local".
Relacionadas:
-
Jacobo Moreira: Lores es un populista que hace populismo con el dinero de los demás
Por Natalia Puga |
-
Lores, alcalde de Pontevedra: "Se ocurre algo, apandaremos coas consecuencias"
Por Anxo Lourido |
-
Antonio Coello, subdelegado do Goberno: "Siempre estuvo decidido recurrir las pagas extra del Concello de Pontevedra"
Por Anxo Lourido |
-
Aproban a paga extra dos funcionarios e as alegacións ao Plan Especial do Porto de Marín
Por Alejandro Espiño |
-
Jacobo Moreira tende a man aos díscolos, pero avisa: O que esté no PP por un soldo, equivocouse
Por Alejandro Espiño |
-
Cinco edís do PP rompen a disciplina de voto e abstéñense nunha moción presentada polo seu voceiro
Por Alejandro Espiño |