Avanza a expropiación de terreos para construír o novo colexio do Revel
Por Redacción
O Pleno da Corporación aprobou definitivamente, co voto en contra do BNG e a abstención de SAL, o proxecto da delimitación do polígono no que se construirá o novo colexio do Revel.
O punto da orde do día da sesión, convocada de forma extraordinaria e urxente co obxectivo de non demorar os prazos administrativos, incluía tamén a relación de propietarios e bens afectados así como prestar aprobación definitiva ao proxecto de delimitación.
Durante o debate desta cuestión a alcaldesa, Catalina González, defendeu a xestión do Executivo ante os veciños asistentes e a oposición. "O obxectivo do Goberno do Partido Popular dende o ano 2003 é o de establecer en O Revel a maior zona de equipamentos do Concello de Sanxenxo, de 70.000 metros cadrados, e nesa liña vimos traballando sendo xa unha realidade o campo de fútbol e a escola infantil municipal", afirmou a rexedora.
Durante a sesión plenaria acordouse así mesmo estimar íntegra ou parcialmente 25 das 28 alegacións presentadas ao proxecto de delimitación do polígono de expropiación, sendo desestimadas pois tan só 3 das reclamacións.
A partir de agora o Concello de Sanxenxo iniciará o procedemento de expropiación que incluirá o levantamento de actas. Aqueles propietarios que mostren o seu desacordo coa valoración establecida no informe elaborado polos peritos e técnicos poderán acudir ao prezo xusto, resolto polo Xurado de Expropiación de Galicia, e en caso tamén de desconformidade, terán a oportunidade de acudir á vía xudicial.
Relacionadas:
-
Os colexios de Sanxenxo, en obras ata setembro
Por Redacción |
-
Sanxenxo aprobará o luns as expropiacións necesarias para a ampliación do CEIP Cruceiro
Por Redacción |
-
Sanxenxo, disposto a devolver a paga extra de 2012 os seus funcionarios coa nómina de xaneiro
Por Redacción |
-
Urbanismo inicia as expropiacións na zona do Revel
Por Redacción |
-
Sanxenxo expropiará os terreos do Revel para a construción do novo colexio
Por Redacción |
-
Sanxenxo vese obrigado á expropiación ou permuta forzosa de terreos para ampliar o colexio do Cruceiro
Por Redacción |