Balance satisfactorio no ecuador de Noites Abertas con 2.719 participantes
Por Diego Espiño
O programa municipal de Noites Abertas, destinado a proporcionar alternativas de ocio á xuventude pontevedresa, superou o ecuador da súa décimo sexta edición con cifras de participación lixeiramente superiores ás do pasado ano.
"Chegamos a un nivel de participación moi alto", explica o concelleiro de Xuventude, Demetrio Gómez, en relación aos datos das primeiras sete fins de semana de actividade.
Nese período foron 2.719 os mozos que tomaron parte en Noites Abertas, un 3,62% máis que en 2014 cunha media de 226 persoas por xornada.
Malia iso "só 213 persoas quedaron ser ir á actividade que querían", sinala Gómez, a pesar de que actividades como o fútbol-sala, risoterapia, taller de fofuchas, cociña enerxética, hip-hop ou repostaría tiveron que realizar sorteos ante a alta demanda de participantes.
Con todo as opcións máis demandadas foron ata o momento as de fútbol e baile latino.
O concelleiro destacou ademais o rexuvenecemento dos asistentes, pasando dun 24 a un 31% de participantes con idades comprendidas entre os 12 e os 16 anos, polo que "estamos contentos xa que nos diriximos á mocidade", declarou.
Ademais un 57% de asistentes tiñan entre 17 e 25 anos e o algo máis de 10% restante entre 26 e 30 anos, idade límite.
Rechamante resulta ademais para Demetrio Gómez é "o aumento dos mozos" na maioría de actividades, chegando a ser parello o número de homes e mulleres en todas as actividades menos no fútbol.
Noites Abertas seguirá activo ata o próximo 25 de abril.
Relacionadas:
-
Xa están en marcha as Noites Abertas 2016
Por Redacción |
-
Noites Abertas despide baixo teito a súa décimo sexta edición
Por Mónica Patxot |
-
Un festival rompedor dará o peche a Noites Abertas 2015 o último sábado de abril
Por Elsa Juliá Sánchez |
-
O que se aburre na casa é porque quere
Por Diego Torrado |
-
Presentan a XVI edición de Noites Abertas, que chega este ano "máis grande que nunca"
Por Alejandro Espiño |