Pedras para espantar o mal de ollo
Por Mónica Patxot
Chega o luns de Pascua e, como manda a tradición, numerosos fieis e amigos da diversión achéganse ata o alto de San Cibrán na parroquia pontevedresa de Tomeza. Alí celébrase a romaxe do santo que quita o mal de ollo.
Romper co 'meigallo' obriga a dar nove voltas arredor da ermida para, a continuación, lanzar, de costas, unha pedra de tamaño pequeno sobre o tellado. Ademais, moitos dos devotos asistiron con ramos para recibir a bendición relixiosa. Os rituais non rematan aí. Os visitantes tamén pasan ata tres veces por debaixo da imaxe do santo.
Como non pode ser doutro xeito, a romaxe conta cunha importante actividade gastronómica con postos de venda de polbo á feira, churrasco, empanada e viño, ademais de roscas e rosquillas.
Este culto relixioso remóntase ao século V. Tamén en Meis, no Salnés, celebrouse durante esta xornada a romaxe da Armenteira para honrar a Virxe das Cabezas.
Relacionadas:
-
Tomeza quere recuperar o esplendor de San Cibrán e que os pontevedreses volvan subir á romaría
Por Natalia Puga |
-
Festa en San Cibrán para espantar o mal de ollo
Por Elena Álvarez Quintá |
-
Tomeza espanta o mal de ollo
Por Mónica Patxot |
-
Tomeza escorrenta ás meigas na tradicional romaría de San Cibrán
Por Diego Espiño |