Pontus Lupulus: máis de 30 variedades na primeira feira de cervexa artesá de Pontevedra
Dez cervexeiros artesáns galegos e as súas máis de 30 creacións de cebada e lúpulo veñen á cidade para crear cultura cervexeira. Pontus Lupulus, a primeira feira da cervexa artesá de Pontevedra, celebrarase os días 8, 9 e 10 de maio na Alameda.
Cervexas únicas e da terra, en barril ou botella a partir de dous euros, ademais dunha selección gastronómica que aposta polo produto local son os eixes desta feira que Carlota Román, concelleira de Turismo, ve como un foco de atención cara á cidade de Pontevedra. Achegará "certo poder de atracción e xerará movemento económico", afirman dende a organización. A concelleira destacou que esta feira representa o apoio do concello aos mozos emprendedores galegos que crean produtos de calidade e queren dar a coñecer o seu traballo.
Na rolda de prensa deste mércores 29 de abril presentouse o cartel desta feira por Carlota Román e os cervexeiros artesáns Eneko Abad, de Cervexas Faxilda, e Andrés Granero, de Cervexas Meiga, organizadores do evento xunto á concelleria de Promoción Económica e Turismo.
O venres ás 17:30 inaugurarase a feira e comezaranse coas actividades que se programaron para estes tres días. Os que se animen a achegarse á Alameda poderán gozar de concertos, showcookings, un sorteo e por suposto cervexa. Todas estas e moitas máis actividades van programarse ata o domingo ás 00:00 horas cando finalice a primeira Feira de cervexa artesa de Pontevedra.
Relacionadas:
-
A feira da cervexa 'Pontus Lupulus' superou os 2.500 litros en vendas
Por Redacción |
-
Cervexa, made in "feita na casa"
Por Diego Torrado |
-
'Pontus Lupulus' converte á cervexa artesá na protagonista da fin de semana
Por Cristina Saiz |
-
A fin de semana da feira da bicicleta, o prato forte de Pontenbici
Por Elsa Juliá Sánchez |