Cinco coches implicados nun accidente múltiple sen feridos en Chancelas
Por Oskar Viéitez
Ata cinco vehículos víronse implicados nun accidente múltiple na estrada PO-308, que comunica Pontevedra e Sanxenxo.
O sinistro tivo lugar en Poio, na recta de Chancelas á altura do restaurante El Ancla.
Segundo a versión ofrecida polo condutor implicado no accidente, ao intentar esquivar ao outro coche que invadía o seu carril, o condutor deste vehículo marca Rover deu un volantazo colidindo contra un Mercedes e un BMW que estaban estacionados na marxe da estrada.
Este primeiro impacto fixo saltar os airbags tapando a visión da estrada ao condutor que chocou en cadea contra outros dous turismos que tamén estaban aparcados.
Afortunadamente neste sinistro non houbo que lamentar danos persoais.
Relacionadas:
-
Asfaltado 'ecolóxico' para un perigoso tramo da PO-308 en Raxó
Por Oskar Viéitez |
-
Ferida unha muller tras chocar co seu vehículo contra un camión en Raxó
Por Redacción |
-
Un novo vial no Bao e unha alternativa á PO-308, medidas do BNG para mellorar a mobilidade en Poio
Por Redacción |
-
A Xunta pide ao concello que poña a disposición os terreos que faltan para reformar a PO-308
Por Oskar Viéitez |