A cesión para o novo edificio dos Xulgados na Parda irá ao pleno deste mes
Por Anxo Lourido
O pleno municipal ordinario do próximo 20 de xullo prestará conformidade o acordo da xunta de goberno que permite a transmisión da propiedade dos terreos á Xunta de Galicia para a construción do novo edificio xudicial da Parda, así confirmouno o concelleiro de Patrimonio Vicente García Legísima, minutos despois de que o Partido Popular reclamase a posta a disposición da administración autonómica do soar no que se proxecta este inmoble.
Jacobo Moreira, voceiro do grupo municipal do PP, sinalou que a Xunta leva esperando cinco anos por eses terreos e que esperaba que non pasase deste ano a posta en marcha dese proxecto, tal e como sinalou o vicepresidente do goberno autonómico, Alfonso Rueda.
Neste sentido, García Legísima apuntou que o acordo da xunta de goberno para o traspaso deses terreos recibiu a resposta da administración autonómica o pasado 16 de xuño reclamando que fose aprobado polo pleno. O concelleiro engadiu que, en todo caso, o goberno de Núñez Feijóo ten á súa disposición o soar dende xaneiro de 2013, unha vez que o Concello de Pontevedra adquiriu a parcela. E lamentou que, noutras cidades como Ourense, a Xunta ten acometido os pasos iniciais do proxecto sen que o goberno local tivese adquirido o terreo.
Relacionadas:
-
Completan os trámites esixidos pola Xunta para ceder os terreos dos novos xulgados
Por Alejandro Espiño |
-
O novo edificio xudicial da Parda terá aparcadoiro gratuíto, pero non universal
Por Oskar Viéitez |
-
Rueda: "Se todo vai ben remataremos este ano co edificio xudicial adxudicado e, ogallá, coas obras xa empezadas"
Por Oskar Viéitez |
-
O PP rexeita no Parlamento poñer un prazo para a posta en marcha do novo edificio xudicial da Parda
Por Oskar Viéitez |