O Concello recepcionará de oficio os terreos de Tafisa ante as "largas" da empresa
Por Alejandro Espiño
No Concello de Pontevedra cansáronse de esperar para recepcionar os terreos de Tafisa. Segundo a concelleira de Urbanismo, Carme da Silva, a empresa deu "largas" ás "reiteradas insistencias" do goberno municipal para fixar unha data para recibir todo este ámbito e abrilo ao público. E por iso, tomaron a decisión de actuar de oficio e tomarán posesión de toda esta urbanización "se presente a empresa ou non" o día sinalado.
Carme da Silva lamentou que "cuestión internas" entre a promotora e a construtora estean privando os pontevedreses de gozar desta zona da cidade, que mesmo o Concello quixo utilizar recentemente para unha proba deportiva e non puido facer uso dela.
Así, remitiráselles un requirimento no que se fixará día e hora para esta recepción. A partir de aí, dixo, o goberno municipal poderá abrir ao público os novos viais de todo este ámbito e dar a orde para executar a limpeza destas parcelas.
De feito, o novo contrato de xardíns que se adxudicará esta mesma semana xa inclúe todo este ámbito dentro do espazo a manter. Nel incluíronse tamén as parcelas que, a pesar de non ter uso definido, son de titularidade municipal.
Ademais, a pesar de que os técnicos municipais deron o visto e prace aos traballos realizados pola empresa, a edil do BNG apuntou que existe un aval "suficiente" para resolver problemas que poidan xurdir ao facerse cargo destes terreos.
Relacionadas:
-
Persisten as queixas veciñais polo estado da parte traseira do CGTD
Por Redacción |
-
Xa se pode pasear por Tafisa
Por Natalia Puga |
-
O Grupo Lar borra as súas pegadas dos terreos de Tafisa
Por Oskar Viéitez |
-
O Concello inicia o proceso para a recepción dos terreos de Tafisa como municipais
Por Redacción |
-
Amplían en 15 días hábiles o prazo para que Lar entregue a urbanización de Tafisa
Por Oskar Viéitez |