O primeiro día de celebración das peñas deixa 15 toneladas de lixo no centro histórico
Por Redacción
Este domingo diminúe a presenza de peñas de mozos nas rúas de Pontevedra, despois do fervor do sábado 8 cando miles de adolescentes saíron a celebrar a clásica cita do macrobotellón de "Peñas", coincidindo co inicio da festa taurina.
As camisetas de cores invadiron o centro histórico e, sobre todo, a zona do Campiño de Santa María sen que se rexistrasen incidentes de relevancia. Non obstante, os desperdicios volveron percibirse nas rúas. Os usuarios da empresa Cespa, concesionaria do servizo de recollida de lixo, retirou 15 toneladas de residuos no centro histórico e zonas máis céntricas da cidade, segundo a información facilitada polo goberno local de Pontevedra.
A maioría dos residuos eran plásticos e vidro das botellas empregadas durante a celebración da festa. Os traballos de limpeza remataron ás 12.00 horas do mediodía deste domingo.