Case 100.000 euros para a reforma da cuberta do IES Sánchez Cantón
O IES Sánchez Cantón, un dos principais institutos da cidade de Pontevedra, estreará en próximos días a súa nova cuberta.
Será unha estrutura coa que a Xunta de Galicia pretende acabar dunha vez por todas cos problemas de humedades que se rexistran no centro escolar.
En concreto, a consellería de Cultura e Educación investiu 97.534 euros nesta actuación que, segundo avanzan dende a delegación territorial, estará rematada antes de que comecen as clases a próxima semana.
Nestas obras, retirouse gran parte da cuberta actual e colocáronse novos materiais de cubrición. A solución aplicada foi a instalación dunha cuberta de panel sándwich. Ademais, arranxáronse as baixantes e os caneiros de toda a estrutura.
O investimento realizado nesta renovación da cuberta foi sufragado integramente pola consellería de Cultura e Educación.
Relacionadas:
-
Os pais do Froebel e Educación achegan posturas a tres días do inicio do curso
Por Redacción |
-
Os colexios apuran as últimas obras antes da volta do alumnado
Por Redacción |
-
Educación replica aos pais que hai outras prioridades antes que arranxar o Froebel
Por Oskar Viéitez |
-
Estudan aliviar o 'overbooking' nos pavillóns municipais usando os do Sánchez Cantón e Politécnico
Por Diego Espiño |