Poio contratará 30 persoas grazas ao Plan de Emprego da Deputación
Por Redacción
Un total de trinta persoas contratará o Concello de Poio para reforzar o seu persoal municipal, a través do Plan de Emprego posto en marcha pola Deputación de Pontevedra.
Traballarán a xornada completa, unhas 35 horas semanais, durante os meses de novembro e decembro. Recibirán un salario mensual de mil euros.
En concreto, Poio seleccionará a 22 peóns, tres albaneis, dous fontaneiros, dous condutores e un auxiliar de clínica para continuar o programa de hábitos saudables nos centros educativos do municipio.
Así se acordou este luns na Xunta de Goberno local. Todos estes traballadores reforzarán o traballo de diferentes áreas municipais.
A oferta de emprego está xa presentada no Servizo Público de Emprego da Xunta de Galicia, encargado de remitir aos aspirantes a estes postos de traballo.
O tribunal reunirase a próxima semana para realizar a selección.
Relacionadas:
-
Poio aproba unha oferta pública de emprego para cubrir oito prazas vacantes
Por Redacción |
-
Marín contrata a 34 persoas en situación de desemprego
Por Redacción |
-
A Deputación ocupa a máis de 1.500 persoas co último Plan de Emprego aprobado
Por Redacción |
-
Sanxenxo contratará 30 traballadores con cargo ao Plan de Emprego provincial
Por Redacción |
-
Quince pontevedreses traballarán para o Concello durante dous meses co Plan de Emprego provincial
Por Redacción | Creada e actualizada
-
Os 62 concellos da provincia de Pontevedra apúntanse ao Plan de Emprego da Deputación
Por Oskar Viéitez |