Pontevedra contará en 2016 cun orzamento que superará os 71 millóns de euros
Por Alejandro Espiño
O orzamento municipal para 2016 superará os 71 millóns de euros. Así o avanzou este luns o portavoz do goberno local, Raimundo González, edil de Economía e Facenda. Serán unhas contas "expansivas", sinalou, que dedicarán case once millóns de euros a investimentos porque o permite a situación económica e financeira do Concello "ao ter as contas saneadas e unha das débedas por habitante máis baixas do país".
En concreto, Raimundo González adiantou as grandes cifras do proxecto orzamentario. Destinaranse 20,2 millóns de euros para o capítulo de persoal, que sobe polo aumento do 1% do salario dos funcionarios aprobado polo Goberno central, 32,1 millóns de euros para gasto corrente, 10,7 millóns para investimentos, 4,8 millóns para transferencias correntes e 2,8 millóns para amortizacións de crédito.
Pedirase un novo crédito de 2,5 millóns de euros, pero a maior parte dos investimentos faranse con fondos propios, procedentes do aforro municipal. Serán proxectos relacionados coa mobilidade e a accesibilidade, tanto na área urbana como na rural, novas infraestruturas deportivas, actuacións vinculadas a cuestións ambientais ou equipamentos socioculturais.
Segundo o edil do BNG, o saneamento do río Gafos e de Mourente, o novo acceso a Monte Porreiro, o núcleo de centralidade de Salcedo ou dous novos campos de herba sintética serán algunhas destas actuacións previstas.
Non se incluirá, polo menos por agora, a construción da planta de compostaxe da Canicouva. Haberá partidas para a compra de composteiros comunitarios, seguindo o plan da Deputación. Iso non supón, apuntou Raimundo González, deixase de ser unha "prioridade política" para o Concello, pero estudarase a posibilidade de que se financien as obras mediante unha concesión ou con achegas da administración provincial.
A intención do Concello é que o orzamento de 2016 se poida aprobar en Pleno nos primeiros días de decembro
Ademais, a débeda do Concello de Pontevedra reducirase en 2016 ao redor dos 300.000 euros.
En todo caso, estes orzamentos non están pechados. Raimundo González adiantou que este avance será entregado aos grupos políticos da oposición para que poidan facer as súas achegas coa finalidade de lograr o máximo consenso posible.
"Intentaremos que os grupos municipais fagan aportacións previas á redacción definitiva dos orzamentos, independientemente das emendas que podan presentar na súa tramitación", explicou o responsable económico do goberno municipal.
A intención do Concello é que o orzamento de 2016 se poida aprobar en Pleno nos primeiros días de decembro.
Relacionadas:
-
A oposición ten 72 horas de prazo para facer as súas emendas ao orzamento municipal
Por Redacción |
-
Tino Fernández propón unha alternativa ao orzamento "tramposo" dun BNG con "discrepancias internas"
Por Natalia Puga |
-
A tramitación dos orzamentos retómase tras o "imprevisto" causado por Aduanas
Por Redacción |
-
Moreira avanza o voto en contra do PP a un orzamento que "oprime" aos cidadáns
Por Alejandro Espiño |
-
O goberno local trasladará á oposición un borrador do orzamento sen "liñas vermellas"
Por Oskar Viéitez |
-
O Concello asina co Banco Sabadell un crédito de case tres millóns de euros
Por Alejandro Espiño |
-
O PP só aprobará o orzamento do goberno local se o alcalde baixa os impostos
Por Redacción |
-
O PP sinala que Facenda rebaixa o superávit do goberno de Lores en 3 millóns de euros
Por Redacción |
-
O goberno local presume dos bos datos económicos mentras o PP advirte que se atopa no límite de gasto
Por Redacción |
-
O superávit do Concello de Pontevedra supera os 4,8 millóns de euros
Por Oskar Viéitez |