Miles de persoas piden na rúa que Pontevedra deixe de ser "unha área sanitaria de segunda"
Por Cristina Saiz & Diego Espiño
Amplo respaldo popular á manifestación convocada pola plataforma SOS Sanidade Pública en Pontevedra.
Miles de persoas saíron á rúa este venres para demandar a ampliación de Montecelo e a unificación de servizos coa intención de que Pontevedra deixe de ser "unha área sanitaria de segunda".
Entre as principais reivindicacións atopábase unha vez máis a de solicitar á Xunta que esqueza o "proxecto privatizador de Monte Carrasco", sinalou Anxo Rincón, portavoz da plataforma.
A marcha partiu minutos antes das 20:30 horas do Hospital Provincial, cunha pancarta na cabeceira na que se podía ler a "A sanidade pública non se vende, deféndese".
Asociacións veciñais, profesionais da sanidade, pacientes, sindicatos e partidos políticos apoiaron a mobilización, que concluíu ante a Subdelegación do Goberno.
Alí leuse un manifesto que lembrou a necesidade de acometer as melloras en Montecelo, un proxecto que cifraron en preto de 150 millóns de euros.
En canto á unificación de servizos, a proposta SOS Sanidade Pública para o Provincial pasa por manter funcións sanitarias pero centrar en Montecelo toda a atención hospitalaria.
Relacionadas:
-
Para os traballadores do CHOP, o hospital único "debe ser" en Montecelo
Por Redacción |
-
Paraugas vermellos na Ferrería por unha sanidade pública
Por Redacción |
-
Demandan á Xunta que amplíe o Hospital Montecelo
Por Redacción |
-
Lores pide ao novo conselleiro de Sanidade que retome a ampliación de Montecelo
Por Alejandro Espiño |
-
Jacobo Moreira pregúntase por que non o invitan á manifestación pola sanidade pública
Por Redacción |
-
O xerente do CHOP considera "un parche" a ampliación do hospital Montecelo
Por Oskar Viéitez |
-
SOS Sanidade Pública chama a unha manifestación masiva o venres por "unha área sanitaria de primeira"
Por Natalia Puga |