Os concellos da provincia solicitan máis de mil lombos á Deputación
Por Redacción
O vicepresidente da Deputación de Pontevedra, César Mosquera, anunciou este venres que 43 gobernos locais de Pontevedra solicitaron a instalación de zonas 30, e redutores de velocidade nos seus municipios.
"Temos peticións de máis de mil lombos", dixo Mosquera, quen sinalou que "hai problemas históricos de seguranza viaria que se van resolver grazas a este plan".
O Plan MOVESE foi posto en marcha a medidados de xaneiro polo deputado de Mobilidade Uxío Benítez. Déuselle de prazo aos concellos ata o 1 de febreiro para presentar as súas necesidades e a resposta foi "contundente e inmediata".
Grazas a esta actuación poderanse analizar as necesidades principais e priorizar unha actuación coordinada, xa que en anteriores mandatos provinciais as peticións dos concellos chegaban de forma descoordinada á Presidencia da Deputación, aos vicepresidentes e deputados e aos propios servizos técnicos de forma non sistematizada.
A partir de agora, o departamento provincial de Mobilidade analizará as solicitudes presentadas e se se cinguen ás actuacións propostas para o calmado do tráfico.
Unha vez feito o análise técnico e logo dunha visita dos técnicos provinciais a cada zona para establecer cales son as actuacións máis acaídas en cada estrada procederase á licitación e executación das melloras de seguranza viaria. Darase prioridade ás actuacións en contornos de colexios ou núcleos de centralidade.
A rede de estradas provinciais está formada por 377 vías cunha lonxitude total de 1.700 quilómetros, supón unha trama de vías secundarias, non de alta capacidade, que na súa maioría cruzan núcleos de poboación ou pasan por zonas cun tránsito peonil importante.
Relacionadas:
-
A Deputación, exemplo en mobilidade sustentable para Tráfico
Por Alejandro Espiño |
-
Contundencia na Deputación a favor dos lombos: "Pontevedra é o noso referente"
Por Alejandro Espiño |
-
A modificación dos 300 lombos de Pontevedra elevaríase a 2 millóns de euros
Por Redacción |
-
A ex xerente de Adif en Galicia, Isabel Pardo de Vera, é a nova directora de Mobilidade da Deputación
Por Oskar Viéitez |
-
A oposición obriga o goberno local a unificar os futuros lombos segundo a normativa de Fomento
Por Oskar Viéitez |
-
Así reparte a Deputación 9 millóns de euros en menos dun mes
Por Oskar Viéitez |
-
A Lama solicita a inclusión de seis actuacións no Plan Móvese da Deputacion
Por Redacción |
-
A Deputación asumirá o papel de ser o referente das cidades amigas dos nenos
Por Mónica Patxot |
-
Lombo vai, lombo vén polas estradas da provincia
Por Natalia Puga |
-
A Deputación de Pontevedra facilita a compostaxe na provincia a través do programa Revitaliza
Por Noticia patrocinada |