Mourente completará o seu saneamento antes de que acabe o ano
Por Alejandro Espiño
Un total de 160 vivendas dos lugares de O Pazo, Carabelo e Eirós (Mourente) e Leirados (Bora) contarán con rede de saneamento antes de que conclúa este ano.
Así o anunciou este luns o portavoz do goberno municipal, Raimundo González, tras informar do inicio do proceso de contratación e licitación deste ansiado proxecto no que se investirán 987.982,53 euros.
Con esta actuación, o Concello de Pontevedra completará o saneamento na parroquia de Mourente.
Serán en total cinco quilómetros de tubaxes, que terán unhas dimensións máis amplas do habitual -400 milímetros de diámetro-.
Ademais, no contrato inclúese a renovación do sistema de recollida de pluviais ao longo do trazado da N-541 e, como mellora que poden ofertar as empresas licitantes, unha actuación na rede de abastecemento e completar o saneamento en todo o núcleo de Leirados, de forma que o servizo chegue ás vivendas máis illadas da estrada nacional.
O prazo de execución desta actuación é de nove meses, polo que o Concello espera que a finais de ano todo este ámbito territorial estea conectado á rede de saneamento.
Relacionadas:
-
As obras para completar o saneamento de Mourente iniciaranse antes de final de mes
Por Alejandro Espiño |
-
A Deputación aproba o convenio para o saneamento de Bora, Mourente e o río dos Gafos
Por Oskar Viéitez |
-
As obras do depósito de auga de Marín atópanse no seu tramo final
Por Redacción |
-
23 empresas optan a facer o saneamento pendente en Mourente e Bora
Por Redacción |
-
Un informe municipal rexeita revisar as liquidacións pola taxa de saneamento do rural
Por Redacción |
-
Amplíase o saneamento en Mourente e Bora cun investimento que supera a cifra de 1.270.000 euros
Por Redacción |
-
O saneamento pendente en Mourente, en obras antes de final de ano
Por Alejandro Espiño | Creada e actualizada
-
Lores reivindica en Lérez que Pontevedra ten a máis completa rede de saneamento das cidades galegas
Por Redacción |