As traballadoras de Linorsa no Príncipe Felipe síntense enganadas pola Deputación
Por Redacción
As traballadoras de Linorsa que se encargan da limpeza da Cidade Infantil "Príncipe Felipe", que depende da Deputación, móstranse indignadas ante o que consideran un engano por parte do goberno provincial.
A través dun comunicado de Comisións Obreiras, as traballadoras entenden que existe unha diferenza de trato por parte da presidenta da Deputación, Carmela Silva. Sinalan que en Vigo, o goberno local no que a presidenta provincial é tenente de alcalde, presionou para que os traballadores da empresa cobrasen os seus salarios e que Linorsa cedese os contratos que mantiña co Concello.
Con todo, sinalan que en Pontevedra, o persoal desta empresa só saca "promesas". Desde Construción e Servizos de CC.OO. afirman que o 20 de abril reuníronse coa deputada Eva Villaverde e con Santos Héctor. Naquel encontro, as traballadoras entenden que se lles enganou porque os deputados tiñan que ser coñecedores de que Linorsa estaba a preparar o concurso de acredores e que non llo comunicaron ao persoal.
Está previsto que as empregadas inicien unha folga nos centros de saúde polo atraso nos salarios para partir do 3 de maio.
Relacionadas:
-
Linorsa debe 3.000 euros a cada traballadora da limpeza na Cidade Infantil Príncipe Felipe
Por Anxo Lourido |
-
O Sergas inicia os trámites para rescindir o contrato con Linorsa
Por Redacción | Creada e actualizada
-
Arredor do 80% do persoal de Linorsa secundou a primeira xornada da folga nos centros de saúde
Por Oskar Viéitez & Mónica Patxot | Creada e actualizada
-
Preocupación no persoal de Linorsa tras a entrada da empresa en concurso de acredores
Por Redacción |
-
A Deputación sancionará a Linorsa se non paga ás traballadoras
Por Redacción |