Sanidade garante que o novo Montecelo será un hospital de xestión "100% pública"
Por Alejandro Espiño
O novo Montecelo que proxecta o Sergas será un centro hospitalario "100% público", segundo garantiu este xoves o conselleiro de Sanidade, Jesús Vázquez Almuíña, nunha visita á cidade de Pontevedra.
Cumprirase así a única condición que puxeron os comuneiros de Montecelo para manter a cesión dos terreos nos que se sitúa o hospital e cuxa titularidade viron recoñecida polos xulgados.
"Os hospitais do Sergas son todos públicos, de propiedade pública e que ofrecen un servizo público", sinalou o titular de Sanidade, que engadiu que Montecelo tamén manterá esa xestión pública.
O único que será privatizado, "como no resto dos hospitais", serán servizos como a cafetería ou o mantemento das instalacións.
Vázquez Almuíña, que esta semana iniciou unha segunda rolda de contactos cos profesionais da sanidade pontevedresa, os sindicatos, os comuneiros e as asociacións de veciños, recoñeceu que a ampliación de Montecelo é a opción preferida de forma maioritaria entre os seus interlocutores, fronte á opción de Monte Carrasco.
Por iso, o seu departamento manterá unha nova reunión co Concello de Pontevedra a próxima semana para avanzar nos detalles do proxecto deste Gran Montecelo que vai mellorar "moitísimo" a sanidade pontevedresa para os próximos "vinte ou trinta anos".
A intención de Sanidade é fixar co goberno municipal unha data para asinar un convenio baixo o que se regule os compromisos de cada administración para afrontar este proxecto de forma que o Concello "nos dea facilidades para facer as cousas".
Relacionadas:
-
E a Xunta rectificou e ampliará Montecelo despois de perder sete anos
Por Oskar Viéitez |
-
Xunta e Concello alcanzan un acordo para ampliar o "Gran Montecelo"
Por Redacción |
-
Comisiones Obreras denuncia ante Fiscalía incompatibilidades do persoal dos hospitais de Pontevedra
Por Mónica Patxot & Anxo Lourido |
-
O 'Gran Montecelo' que propón a Xunta reunirá os servizos actuais de Mollabao e o Provincial
Por Redacción |
-
O novo Montecelo contará cunhas 700 camas e estará operativo en 2020
Por Redacción |
-
Os comuneiros confirman ao conselleiro de Sanidade que aceptan a ampliación dun Montecelo "público"
Por Redacción |
-
Adeus ao hospital de Monte Carrasco: a Xunta retoma a ampliación de Montecelo
Por Alejandro Espiño & Mónica Patxot |