O goberno local de Sanxenxo contraataca e acusa a CC.OO. de intentar coaccionalo
Por Redacción
Comisiones Obreras (CC.OO.) acusaba nas últimas horas ao goberno local de Sanxenxo dun posible delito de prevaricación polo acordo asinado a pasada semana pola concelleira de Persoal co resto das centrais sindicais. Ante esta situación, a edil Vanessa Rodríguez Búa convida a CC.OO. a denunciar ante o xulgado calquera sospeita de delito nesa negociación. E pola contra, desde o goberno local afirman que se verán obrigados a adoptar medidas legais contra quen utiliza a mentira para coaccionar aos rexedores locais.
Vanessa Rodríguez engade que CC.OO. non esixiu durante máis de 11 anos un novo convenio colectivo e, por este motivo, entende que perdeu a confianza de numerosos traballadores ao "adoptar posturas intolerantes e contrarias aos seus intereses".
A concelleira pregúntase como o sindicato pode reclamar as horas extra cando o Plan de Axuste, asinado en 2012, impide o seu pago, obrigando a compensar ao traballador con horas libres. E cuestiona que Comisións Obreiras non impugnase ese documento que anula o dereito dos traballadores para percibir cantidade algunha.
O goberno local insiste en que é necesario contar cos resultados da auditoría para negociar o convenio colectivo. E apunta que a negociación se iniciará no mes de outubro cando xa se coñezan os datos desa auditoría. Lembra que o acordo alcanzado cos outros sindicatos débese á súa intención de resolver cuestións urxentes e concretas.
Rodríguez considera que CC.OO. está a manipular informativamente e que busca enfrontar aos traballadores municipais entre si, mantendo posturas diferentes ás que o propio sindicato defende ante outras administracións públicas. O goberno local entende que esta actitude forma parte dunha estratexia de desgaste, similar á que o sindicato leva a cabo na Deputación de Pontevedra ou no Concello de Lalín onde, apuntan dende a concellería, xa non goberna o Partido Popular.
Relacionadas:
-
Vanessa Rodríguez acusa a Telmo Martín de "beneficiar a Comisións Obreiras" polo seu labor de "desgaste e oposición" ao tripartito
Por Redacción |
-
Un único convenio regulará a todos os empregados municipais de Sanxenxo
Por Redacción |
-
Comisiones Obreras demandará o Concello de Sanxenxo por negociación ilegal
Por Anxo Lourido |
-
Comisións Obreiras impugnou os orzamentos do concello de Sanxenxo por "palmaria ilegalidade"
Por Redacción |
-
Ven indicios de "prevaricación" no acordo laboral do Concello de Sanxenxo
Por Redacción |
-
Sanxenxo equipara o persoal laboral cos funcionarios, sen o apoio de CC.OO.
Por Redacción |