Lores acode a Vigo a inaugurar a nova sede da UNED
Por Oskar Viéitez
O alcalde de Pontevedra, Miguel Anxo Fernández Lores, inaugurou en Vigo a nova sede da Universidade a Distancia.
Trátase dun aula dependente do centro de Pontevedra, situada nun local do Casco Vello cedido polo bispado.
O rector da UNED, Juan Gimeno, explicou que de xeito inmediato empezarán as clases do curso de preparación para as probas de acceso para maiores de 25 e 45 anos.
Pola súa banda o alcalde de Vigo, Abel Caballero, anunciou a súa intención de solicitar de inmediato as carreiras de Dereito, Económicas, Educación Social e Psicoloxía.