Recta final das obras no vial da Torre co asfaltado da estrada
Por Redacción
O alcalde de Bueu, Félix Juncal, e o concelleiro de urbanismo, Martín Villanueva, visitaron este martes as obras de asfaltado que se están a levar a cabo por parte da Deputación de Pontevedra no vial de A Torre, en Cela (EP 1305).
As obras, licitadas pola vía de urxencia, poñen solución aos problemas derivados das tubaxes con perdas e filtracións da chuvia que minaron este tramo da calzada.
Actualmente, tras o remate do muro de contención e o saneo da base da vía, elimináronse as humidades e xa se está rematando de asfaltar. Neste sentido, Juncal amosouse satisfeito pola "sensibilidade e compromiso" da Deputación en poner solución a temas aos que desde o goberno local se lle estaba dando urxencia e prioridade nos últimos anos.
A actuación, para a que a Deputación destinou un orzamento de 180.000 euros, concluirá nos vindeiros días coa colocación da sinalización horizontal e as medidas de seguridade e protección na vía.