O Pazo da Cultura acollerá a exposición 'Imaxinar a educación. 50 anos con Frato'
Por Oskar Viéitez
O Pazo da Cultura acollerá a exposición producida polo Parque das Ciencias de Granada 'Imaxinar a educación. 50 anos con Frato'.
A mostra acaba de recibir unha Mención de Honra no VII Premio Iberoamericano de Educación e Museos promovido pola Organización de Estados Iberoamericanos.
Segundo informou o Parque das Ciencias nunha nota, actualmente e ata o 6 de febreiro de 2017 dita mostra pode verse na Facultade de Educación da Universidade de Lleida, e posteriormente estará instalada no Claustro Alto do Edificio Histórico da Universidade de Oviedo.
Tras o seu paso pola cidade asturiana, está previsto que chegue ao Pazo da Cultura de Pontevedra e para o inicio do curso académico 2017-2018 xa hai outras cidades como Valencia que queren acoller a mostra.
'Imaxinar a educación. 50 anos con Frato' percorre a traxectoria pedagóxica e vital do recoñecido investigador italiano Francesco Tonucci. A mostra profundiza no seu concepto da educación baseado no respecto e escoita aos nenos, así como no valor da participación para fomentar a aprendizaxe e promover a curiosidade.
Unha exposición dedicada a falar de educación, da infancia, de pedagoxía e sobre todo da importancia social dos bos profesionais da educación. Unha invitación para pensar, a discutir prácticas desacertadas, a imaxinar un cambio. E ao mesmo tempo, unha oportunidade para mostrar a intelixencia e a creatividade dos nenos e adultos, a súa capacidade para aprender e construír, segundo valora o Parque das Ciencias.
Relacionadas:
-
O consello de Tonucci: adaptar o modelo urbano de Pontevedra á personalidade de Cambados e O Grove
Por Redacción |
-
A imaxinación infantil visibilizarase no Pazo da Cultura cos debuxos de Frato
Por Mónica Patxot & Anxo Lourido |
-
Tonucci avoga por que os nenos participen no goberno das cidades
Por Oskar Viéitez & Mónica Patxot |
-
Pontevedra converterase na "Provincia Tonucci"
Por Oskar Viéitez & Mónica Patxot |
-
Tonucci revisa os Camiños Escolares e suxire algúns cambios na iniciativa
Por Alejandro Espiño & Mónica Patxot |
-
Tonucci: "Os nenos son peóns e nada máis. Se a cidade non é axeitada para os peóns, resultan excluídos"
Por Alejandro Espiño & Mónica Patxot |
-
O Concello recibe a Tonucci á fronte dunha delegación italiana
Por Redacción |
-
Tonucci: "Hai que pensar a mobilidade doutra maneira e niso en Pontevedra son os mestres"
Por Redacción |