Sanidade releva a José Manuel González da xerencia do CHOP
Por Oskar Viéitez
Creada e actualizada
Creada e actualizada
O Consello da Xunta aprobará este xoves o relevo do xerente do Complexo Hospitalario de Pontevedra (CHOP), José Manuel González Álvarez que será substituído por José Ramón Gómez Fernández, actual director de Procesos sen Ingreso e Urxencias no Complexo Hospitalario Universitario de Santiago, o CHUS.
Segundo fontes da Consellería de Sanidade, esta decisión enmárcase na substitución que se está levando a cabo nos complexos hospitalarios da Coruña, Santiago e Ourense.
O Servizo Galego de Saúde (Sergas) emitiu un comunicado no que di que está a iniciar unha nova etapa nesta lexislatura, para o que está a acometer un proceso de renovación nalgunhas das súas Estruturas Organizativas de Xestión Integrada (EOXIs) coa fin de "adaptalas aos novos retos que a sanidade ten por diante nos próximos anos".
"O obxectivo é impulsar a innovación na xestión e a capacidade de adaptación do sistema público ás novas necesidades da sociedade", para afrontar retos como: completar a integración da atención primaria e a atención hospitalaria, a implantación dun novo modelo de atención primaria "máis proactivo, resolutivo e cercano á cidadanía", o impulso á mellora continua dos centros hospitalarios, a aposta por novas vías rápidas e a xestión dos pacientes crónicos e pluripatolóxicos.
González Álvarez abandona a xerencia da área de Xestión Integrada de Pontevedra e O Salnés despois de oito anos.
Á espera das explicación oficial por parte da Xunta a marcha de José Manuel González coincide coa existencia de numerosas peticións de dimisión realizadas por profesionais e sindicatos da sanidade pública na área sanitaria.
JOSÉ RAMÓN GÓMEZ FERNÁNDEZ
Licenciado co grado de Medicina e Cirurxía pola Universidade de Santiago, é funcionario do Corpo Facultativo Superior da Xunta de Galicia, Escala de Saúde Pública e Administración Sanitaria. Durante os últimos anos ocupou diversas subdireccións e direccións, os últimos anos na EOXI de Santiago. Ata a actualidade viña ocupando a Dirección de Procesos sen ingreso e Urxencias da EOXI da capital de Galicia.
Relacionadas:
-
José Manuel González, baixa no PP: "Non me gusta como se están a facer as cousas"
Por Alejandro Espiño |
-
VIDEO.- José Ramón Gómez, o home dialogante escollido para crear o Gran Montecelo
Por Mónica Patxot & Anxo Lourido |
-
José Ramón Gómez asume o "ilusionante reto" de dirixir o CHOP apelando ao "diálogo" co personal
Por Alejandro Espiño & Mónica Patxot |
-
Tino Fernández, secretario local do PSOE, satisfeito co cesamento do xerente dos Hospitais
Por Anxo Lourido |
-
O PSOE pide o cesamento do xerente do CHOP por "nepotismo"
Por Oskar Viéitez |
-
A Xunta de Persoal remítelle unha carta ao conselleiro de Sanidade para pedir o cese do xerente
Por Oskar Viéitez |
-
Comisións Obreiras solicita a dimisión do xerente dos hospitais de Pontevedra e O Salnés
Por Oskar Viéitez |
-
Sanidade rexeita falar de colapso en Urxencias mentres o persoal o atribúe á "nefasta xestión"
Por Natalia Puga |