A compra do novo local do Concello é "inmediata"
Por Alejandro Espiño
A pesar das críticas que, desde o Partido Popular, producíronse tras o anuncio por parte do Concello da compra dun local na rúa dos Ferreiros, o goberno municipal seguirá adiante con esta operación. A súa adquisición, explicou Raimundo González, é "inmediata" e pecharase nos próximos días "salvo cataclismo".
O prezo do local, que ten 1.300 metros cadrados repartidos en dúas plantas, é de 1.150.000 euros. A operación, segundo acreditan os técnicos municipais, é "moi rentable" para o Concello, explicou o portavoz do goberno.
Raimundo González reiterou que o Concello "ten que resolver" os actuais problemas que presentan os servizos de urbanismo e xestión tributaria, que carecen de espazo e atópanse repartidos por varios inmobles municipais, "e é o que imos a facer".
Esta operación, reiterou o portavoz municipal, permitirá unha "mellor atención" ao cidadán e, doutra banda, deixar de pagar os 42.000 euros anuais que custa a oficina situada actualmente na rúa Jofre de Tenorio.
Tras a aprobación en pleno da modificación de crédito que permitirá a compra deste local, os técnicos comezarán coa tramitación administrativa desta adquisición e, ao mesmo tempo, o expediente para poder realizar as obras de reforma necesarias.
Con respecto ao cuartel de San Fernando, González reiterou que esa opción "xa a tentamos por activa e por pasiva", pero non poderá acoller as dependencias administrativas do concello ata que Belas Artes constrúa o seu novo edificio nos antigos terreos de Tafisa.
Relacionadas:
-
A nova sede municipal dos Ferreiros estará operativa a mediados de 2019
Por Alejandro Espiño |
-
Só queda entregar o talón para que o Concello adquira o novo local municipal
Por Redacción |
-
Xa non hai volta atrás. O Concello comprará por 1,1 millóns o local de Ferreiros
Por Redacción |
-
Moreira buscará o apoio dos funcionarios para frear a compra do novo local municipal
Por Alejandro Espiño |
-
Os socialistas ven "inadmisible" que o Concello compre un local en Ferreiros
Por Alejandro Espiño |
-
O PP propón que o Concello concentre os servizos municipais na antiga Delegación de Facenda
Por Anxo Lourido |
-
Os populares ven un "disparate" a compra dun local para o Concello por un millón de euros
Por Redacción |
-
O Pleno de Pontevedra estrearase en venres abordando unha modificación de crédito de 2,7 millóns
Por Redacción |
-
O Concello amplía as súas dependencias coa compra dun local na rúa dos Ferreiros
Por Alejandro Espiño |