Que Bueu non teña cuartel da Garda Civil "no quiere decir que no esté atendida", matiza a subdelegada do Goberno
Por Redacción
A subdelegada do Goberno en Pontevedra, Ana Ortiz, puntualizou este martes que a carencia dun cuartel da Garda Civil na localidade de Bueu "no quiere decir que no esté atendida".
A Subdelegación tramitou ante o Ministerio de Interior a reclamación cursada polo Concello de Bueu para que este municipio dispoña dun posto permanente do instituto armado. "No está en nuestro ámbito de actuación decidir dónde se ubican los cuarteles, depende del ministerio", explicou Ana Ortiz.
O alcalde bueués, Félix Juncal, remitiu antes de Semana Santa un escrito ante a institución no que se expoñía esta necesidade, especialmente a poucas semanas do comezo do verán, unha época na que Bueu multiplica tanto a súa poboación como as súas actividades.
Juncal tamén aseguraba no seu escrito que a Policía Local está a asumir labores de seguridade cidadá "que non teñen que ver co seu ámbito de actuación, senón coas da Garda Civil, cuxo posto atópase en Marín".
Neste sentido, a subdelegada apuntou que todos os municipios costeiros dótanse de auxiliares de Policía Local, "una función que no le corresponde a la Guardia Civil". Ademais lembrou que o alcalde pode contratar auxiliares, "le autorizaría la Xunta de Galicia, si considera que tiene que incrementar durante determinadas épocas", dixo Ana Ortiz.
"La provincia está absolutamente atendida, perfectamente además", engadiu.
O goberno local tamén pediu á Subdelegación de Goberno que se convoque a Xunta Local de Seguridade antes do verán para abordar a cuestión. Neste sentido Ana Ortiz asegurou que "en pocos días nos pondremos de acuerdo con ellos y fijaremos la mejor fecha".