Ponte Caldelas agárrase a un camión motobomba como única solución para a loita contra os incendios
Por Redacción
O Concello de Ponte Caldelas desiste da súa proposta de convocar unha xuntanza urxente para abordar, por enriba de disputas políticas e discusións administrativas, a comarcalización do servizo municipal de Bombeiros de Pontevedra.
A Xunta de Goberno Local de Ponte Caldelas adoptou este venres o acordo urxente de solicitar da Consellería de Medio Rural a renovación do seu camión motobomba, cunha antigüidade de case 25 anos, porque é o único medio de resposta inmediata diante dun incendio.
O acordo, sustentado polos grupos do PSdeG-PSOE, AVP e BNG, subliña que ademais de atender os lumes forestais, este camión, operado por funcionarios municipais da brigada de obras, "foi o único medio que sufocou o lume das dúas últimas emerxencias producidas no municipio". Tanto é así que o Concello "viuse tamén na obriga" de restaurar un vello remolque-alxibe de 6.000 litros para reforzar e abastecer a motobomba.
"Son medios moi rudimentarios que non serven en caso dun lume de medianas proporciones tanto no centro urbano do municipio como en calquera dos 33 núcleos rurais", explica Díaz, "pero son a única liña de defensa inmediata que temos".
Relacionadas:
-
Ponte Caldelas insiste na comarcalización dos bombeiros municipais de Pontevedra
Por Oskar Viéitez |
-
O PSOE leva ao Parlamento o "reparto a dedo" das motobombas antiincendios na comarca
Por Redacción |
-
Ponte Caldelas pide iniciar o proceso para comarcalizar o parque de bombeiros de Pontevedra
Por Redacción |
-
Comarcalizar os bombeiros de Pontevedra, solución "idónea" para Ponte Caldelas en materia de emerxencias
Por Redacción |
-
Cubela critica duramente o operativo do incendio de Tenorio e pide que o parque de Pontevedra sexa comarcal
Por Natalia Puga |
-
Ponte Caldelas expresa o seu malestar polo "deficiente" servizo de bombeiros
Por Redacción |