Cotobade celebra a Festa do Caracol
Por Redacción
Os protagonistas indiscutibles da festa que se desenvolve en Santa María de Sacos son os caracois pero non faltan as racións de churrasco e de callos.
Ás once da mañá comeza a actividade na carpa montada para evitar as inclemencias do tempo. Por un prezo de seis euros, aqueles que asistan terán a oportunidade de probar racións de caracol guisado con pan, viño ou auga. Polo mesmo prezo tamén terán a posibilidade de degustar caracois ao alioli. Todos os caracois foron cultivados en Cotobade a través da empresa Caracoles do Gallo que exporta moito deste produto cara Cataluña, Euskadi e Francia.
Ante o exito das dúas edicións anteriores, a Asociación Amigos do Caracol encargada de promover esta cita gastronómica ten establecida unha ampla zona de aparcamento gratuíto.